طبق بسيط وتحضيره ابسط .. لكن لاشك انه لذيذ لذاذة اللذوذين كلهم😋👌
.
جربوه وادعولي وان شالله يعجبكم😉👌
.
🔹دجاج صدور فيليه قطعتهم شرايط طولية .. وبطبق عجنب حطيت عليهم ليمون وصويا صوص وبهار دجاج وكزبرة وثوم وملح وفلفل (كله بودرة) واخليهم منقعين نص ساعه عالاقل
.
◾نجهز النودلز ببساطه .. انزلها بماء مغلي او يكون يغلي .. واخليه بالماء خمس دقايق واحيانا ياخذ مدة اقل .. واشيله واحطه بمشخال او مصفاية .. على ما نخلص الحمسه وهي كالتالي👇 🔹بزيت نباتي حمست بصله مفرومه لما ذبلت شوي (الكمية اختياري) وحطيت فوقها ثوم شرايح وقرن فلفل حار وقلبت الجميع لما طلعت ريحتهم
.
🔹نزلت قطع الدجاج وحطيت البهارات نفسها والصويا صوص وقلبت الجميع واستمرار التحريك للتأكد ان الدجاج مغلف بالزيت وقاعد يستوي

🔹ننزل الفلفل الحلو الملون (احمر واخضر واصفر) على كيفكم طبعا
.
🔹فوقهم ذرة صغيرة baby corn وموجوده معلبه جاهزة .. وفوقهم علبة فطر مقطع انصاف وممكن تستخدمون الطازج
.
🔹بعد ماقلبت الجميع عدل .. حطيت فوقهم نص كوب ماء (استخدمت ماء فوح النودلز وممكن ماء عادي طبعا)
.
غطيت الجدر على نار هادية يمكن ربع ساعه تتسبك الخلطه جيدا
.
🔹ننزل النودلز ونخلطها مع خلطة الخضار والدجاج بهدوء .. بملعقه خشب لتحافظ على شكلها لاتكسرونها وبالعافيه