اول شي قطعت فيليه الدجاج شرايط رفيعه وتبلتها على كيفي .. ليمون وبهار دجاج وصلصة صويا وبابريكا وثوم وزنجبيل بودرة وفلفل
.
وبالاخر حطيت من معجون خلطة دجاج تندوري الجاهزة من ام اف وخليت الخلطه تتنقع نص ساعه وصفيت الماي اللي طلع منها قبل ما استخدمها

على النار قلبت بزيت نباتي بصل فرم خشن مع معجون ثوم ومعجون زنجبيل
.
نزلت عليهم الدجاج المنقوع بالبهارات ومعجون التندوري .. وقلبتهم جيدااا .. بعدين نزلت عليهم شوية خضار
.
استخدمت خضار مثلجه بازلا وجزر .. وممكن نضيف مكعبات بطاط
.
بعد ماقلبت الجميع جيدا .. اضفت صلصة طماطم مجهزها مسبقا
.
غبارة عن حبة طماطم وبصله صغيرة وشوية بهارات دجاج مع معجون طماطم وماء طبعا .. وبمحضرة الطعام تررررررر وصاروا جاهزين
.
حطيت من هالصلصه حوالي نص كوب وغطيت القدر ربع ساعه علشان الدجاج يكتمل استواءه
بعد مرور ربع ساعه .. نزلت الرز البسمتي المغسول ومنقوع نص ساعه مسبقا .. وصبيت عليه صلصة الطماطم اللي مجهزها (كتبتها بالفيديو السابق)
.
لاحظوو شي .. انا ماغمرت الرز .. يا دوبك الماء كان على مستوي الرز .. بعد الغليان .. قصرت النار .. حطيت حديدة تحت القدر وغطيته يتسكر ساعه الا ربع .. وبالعافيه