عجينة العشر دقايق هي عجينة الطواريء .. تنقذ الموقف للازمات .. نسويها على مرحلتين
.
◾ المرحلة الاولى:
🔹كوب طحين
🔹ملعقه كبيرة خميرة
🔹ملعقه كبيرة حليب بودرة
🔹ملعقه كبيرة سكر
🔹رشة ملح
🔹كوب ماء دافيء
.
🔸نخلطهم باليد جق جق جق .. ونغطيهم لمدة عشرة دقائق فقط

لمرحلة الثانية:
الان وبعد مرور عشر دقايق نكشف عليها ونضيف التالي:
🔹كوب ونص طحين
🔹نص كوب زيت نباتي
.
🔸نعجن باليد او بالمكينه ماتفرق .. انا عجنتها باليد علشان بعض الاخوات قالولي انه ماعندهم عجانه🙈 فحبيت اراويهم طريقة العجن باليد
.
🔸نعجن عالاقل خمس دقايق ودليل الوصول لمرحلة جهوزية العجينه انكم تضغطوا ضغطة خفيفة بالاصبع على العجينه وتلاقونها مطاطية وترجع مكانها .. يعني يختفي اثر الاصبع اللي ضغطو فيه .. اتمنى فهمتو قصدي

◾الان العجينه جاهزة .. تقدرون تشكلونها باي شكل تحبوه .. انا طبقت فكرة حلوة للكبار والصغار
.
🔹قطعت الجينه شرايط .. وعملت منهم كرات صغيرة وحطيتهم بطبق عميق واضفت عليهم التالي:
.
🔸ملعقتين زبدة ذايبه
🔸شوي بقدونس فريش مفروم
🔸معجون ثوم .. عندي جاهز ماركة ام اف
🔸ثوم بودرة شوي
🔸معجون بيستو جاهز
🔸كوب جبن موزاريلا
.
🔹خلطتهم باليد مع كرات العجين وبقالب الكب الكيك رشيته بخاخ دهن وترست القوالب بالعجينه بشكل عشوائي واختياري ترشو عالوجه جبن تشيدر مثلا
.
🔹خليتهم يرتاحو خمس دقايق وبهالوقت اشعلت الفرن من تحت فقط درجه عالية 200 درجة والصينية وسط .. دخلتهم الفرن يمكن عشر دقايق الى ربع ساعه
.
🔹اخر شي اشعلت من فوق يتحمروو وبالعافيه😊👌