- 61
- 0
- الجمعة, 22 يونيو, 2018 - 12 , صباحًا
- التقييم:
الطريقة و المقادير
كرات البطاطس المحشية بالدجاج 💕جد لذيذة جربوها😋😄 .
الخطوة الاولى: خلطة الدجاج نحمس بصل و ثوم ونقطع الدجاج الى مكعبات او قطع صغيرة و نضيفها على البصل بعدها نضيف البهارات ( ملح + فلفل اسود + فلفل احمر بودرة + رشة كمون + ملعقتين طعام صلصة البيتزا او صلصة طماطم)
الخطوة الثانية :نسلق حبتين بطاطس كبار لما يستوون تماماً بعدها نطلعهم من الماي و نهرسهم و نضيف رشة ملح و فلفل اسود .. بعدها نكورهم و نحشيهم بخلطة الدجاج و نصفهم ف صينية بايركس.
الخطوة الثالثة: خلطة البشامل نص قالب زبدة نذوبه على النار بعدها نضيف ملعقتين طعام طحين و نحركهم لمدة دقيقة على النار بعدها نضيف كوبين و نص حليب و ملح + فلفل اسود + اوريقانو ( الزعتر البري ) نحركهم لما يثقل الخليط شوي مش وايد لانه بيثقل اكثر لما يبرد احسن يكون سائل شوي.. نصبه على كرات البطاطس و نحط جبن موزاريلا على كل كورة و انا حطيت فوقهم روزماري ( اكليل الجبل ) و ع الفرن لما يتحمرون من فوق.
