- 43
- 0
- الخميس, 11 مايو, 2017 - 9 , مساءً
- التقييم:
الطريقة و المقادير
🔸يلزمنا قالب تشيز كيك متحرك القاعده 9 انش او 8 انش
🔸نخلط مقادير القاعده ونرصها بقاع القالب جيدا بسماكه سانتي تقريبا او اقل شوي
🔸نغلف القالب بالقصدير طبقتين او ثلاثه افضل
🔸نحط القالب داخل صينية اكبر ونصب بالصينية ماء بعمق انش
.
◾مقادير القاعدة:
🔸20 حبة بسكوت دايجستف
🔸100 جرام زبدة ذايبه
🔸1 ملعقه كبيرة سكر بني
.
◾مقادير خليط الجبنه:
🔸800 جرام جبن كريمي
🔸علبة كريمة حامضه (حوالي نص كوب)
🔸4 حبات بيض
🔸كوب ونص سكر ناعم الحبيبات
🔸فانيلا سائله 1 م.ك
🔸ملعقه طعام طحين ابيض
.
🔹نبدأ بخفق الجبن والسكر حتی يتجانسو .. لاتبالغو بالخفق
🔹نضيف البيض والفانيلا بالتدريج .. وحده تنخلط .. نضيف الثانيه وهكذا .. وقفو خلط مباشرة
🔹نضيف الكريمه الحامضه ونخفق لمده ثوااني
ونصبه بالقالب .. المجهز مسبقا وندخله الفرن المحمي مسبقا بالوسط من تحت فقط
.
حوالي ساعه ونص علی حرارة 180 او رقم 3 .. بس تستوي نطفي الفرن .. ونخليها تبرد بالفرن واهو مطفي ساعه .. بعدين نفتح باب الفرن شوي نص ساعه وبعدها نطلعها و نغلفها بنايلون وندخلها الثلاجه عالاقل 4 ساعات او طول الليل وبالعافيه
الطبقه الخضرا استخدمت صلصه فستق جاهزة
