- 59
- 0
- الخميس, 7 يونيو, 2018 - 12 , صباحًا
- التقييم:
الطريقة و المقادير
رولات مسقعه كفته
.
التحضيرات:
• باذنجان مقطع بشكل طولي ومقلي او مشوي
• كفته جاهزة او تحضير منزل مشوحه على النار بشوي زيت
.
الطريقة:
.
بعد مانشوح الكفته ونرفعها على صوب وبنفس المقلى نحط بهارات صحيحه كزبرة وكمون وشومر وفلفل اسود
.
نقلبهم بالزيت وبعدها نضيف بصل فرم نااااعم وثوم ونقلب الجميع لمن يذبلو
.
انزل كوب زبادي او روب بس مخفوق مسبقا علشان لايتكتل .. وبعدها نضيف صلصة البولونيز او صلصة الباستا واللي ماعنده يحط معجون طماطم ونحرك الجميع لما يتجانس
.
نضيف ملح وبهار وشطة مجروشة عالكيف .. واعشاب عطرية روزماري زعتر وهالسوالف ونحط توباسكو او دقوس حار
.
ونخليها عالنار تتسبك تمااااام .. بهالاثناء .. نحط داخل كل شريحة باذنجان حبة كفته ونلفها حواليها ونثبتها بعود اسنان ونخليهم على جنب
.
بطبق الفرن نحط الصلصة بالقاع وفوقها نصف رولات الباذنجان وعليهم جبن بارميزان وبقدونس
.
عالفرن ربع ساعه تحت وفوق حرارة ١٨٠ وبالعاااافيه
