- 105
- 0
- الإثنين, 28 مايو, 2018 - 4 , مساءً
- التقييم:
الطريقة و المقادير
رولات المسخن بطريقه المبدعه دائماً @hdawe11
رولات المسخن 🌯
1/اسلق صدور دجاج مع بهارات صحيحه وملح وبصل وثوم وانتفها انا فرمتها انتو لاتفرمونها الافضل يكون منتف مويه سلق الدجاج لاترمونها بنستخدمها
2/اقطع اربع بصلات شرائح واضعها في تاوه مع زيت زيتون ورشه ملح واقلبها لما تذبل
3/اضيف لها دبس رمان وسماق وفلفل اسود وثوم وزنجبيل معجون واقلب ثم اشيل منه شوي للزينه
4/اضيف الدجاج ومويه من مويه سلق الدجاج نص كوب تقريباً وربع كوب عصير ليمون او اكثر حسب الرغبه واتركه ع النار لما يتنشف ثم اعدل الملح واطفي النار
5/في اناء اضيف نص كوب من ماء سلق الدجاج واضيف له سماق ودبس رمان وزيت زيتون هذاء الخليط بدهن به الرقائق قبل احشيها اذاء بقى منه شيء خلوه للتغميس لذيذ جداً 👍🏻😋
6/اجيب خبز الرقاق حق المسخن واقصصه الحجم اللي تبون حسب الرغبه
7/ادهن الرقاق باالخليط واحشيها والفها وارصها في صينيه مدهونه وادهن وجه الرولات بباقي الخليط
8/ندخلها فرن ساخن من تحت وفوق سواء حتى تتحمر ونطلعها من الفرن
9/للتزين استخدمه البصل اللي شلت منه و سماق وصنوبر محمر وباالعافيه
