wasfat.hanan

المقادير انا استخدمت نص المقادير الموجودة لقالب انجلش كيك :
3 بيض
1كوب وثلاث ارباع كوب سكر
كوب زيت
كوب لبن زبادي او كوب حليب ولو حابين نضيف نكهة برتقال او ليمون نضع نص الكوب لبن ونصفها عصير
3 كوب طحين (نأخذ 2م.ك من مقدار الطحين ونستبدلها ب2م.ك مليانة من النشا )
فانيلا
3 باكو بيكنج باودر حجم صغير اي ما يعادل 3 معلقة طعام ممسوحة
برش ليمون او برتقال
2م.ك خل ابيض
ممكن اضافة م.ص كربونة (بيكربونات الصوديوم ) بتعطي لون حلو ع أصفر للكيك خاصة لو كانت بالبرتقال وبتخليها تنفش اكثر
الطريقة :
نخفق البيض مع رشة ملح والبرش والفانيلا لحتى يضاعف حجمه (الخفق ممكن يكون ع ابدك او بالخلاط او المضرب الكهربائي بس طبعا كل ما انخفق البيض بتكون الكيكة اطرى وكمان لونها بيكون ع ابيض لانو الببض كل ما انخفق بيفتح لونو ).. بضيف السكر وبخفق بعدين الزيت .. اخر شي اللبن او الحليب (الترتيب مهم) وطبعا بضيف الطحين مع البيكنج باودر بعد ما انخله بالتدريج
بحطها بقالب مدهون وبخبزها بفرن محمى مسبقا على نار 180 بتحتاج من نص ساعة ل 45 دقيقة
صوص الليمون او البرتقال :
كوب سكر بودرة. 2 م.ك عصير ليمون او برتقال واللي ببحب يخفف نكهة الليمون يستبدل معلقة عصير بمعلقة حليب نخلطهم مع السكر بشكل جيد وحسب القوام اللي بتحتاجيه بتحبيه سميك او خفيف ولو احتجتي عصير ضيفي نقطة نقطة وحركي وشوفي القوام لانو السكر بيدوب بسرعة وبنضيفو ع الكيكة وهي دافية وبنتركه شوي يتماسك وممكن نبرش ليمون او برتقال
وملاحظة ازا ما بتحبو حلاوة الصوص ممكن تققلو من كمية السكر المضاف ع الكيكة وصحتين ❤