- 27
- 0
- الأحد, 20 مايو, 2018 - 4 , مساءً
- التقييم:
الطريقة و المقادير
فطائر البابلي😍
كاس ماء دافي
نص كاس زبادي دافي
ملعقه كبيرة خميرة
ملعقتين كبيرة سكر
رشة ملح
ملعقتين كبيرة زيت
كاسين دقيق
طريقة
أضيف الزبادي والماء و الخميرة والسكر
واتركهم 10 دقائق حتى يتضاعف حجمها
أضيف عليها الدقيق واعجنها باالعجانه خمس دقايق
ادهن العجينه باالزيت واغطيها واتركها تختمر من ساعه لـ نص ساعه
آخذ كور من العجينه واقطعها كور مثل خليه النحل والمها واغطسها بحليب سائل بعدين في زعتر او سماق او سمسم حبة البركه ماينفع لانها بتشيل كثير
اضع في صينيه ورق زبده وادهنه زيت وارص الكور فيه
واترك بينهم مسافه لانها رآح يتضاعف حجمها
اتركها تتخمر اقل شيء ربع ساعه
ادخلها فرن مسبق التسخين ضروري من تحت تقريباً بتأخذ
من عشر دقايق لربع ساعه بعدين احمرها خفيف
اغطيها بمنشفه لما تبرد
اشيل رأس الكوره شيء بسيط وافرغ من اللب اللي داخلها مكان للحشوه
الحشوه عندي لبنه مع جبنه البقرات الثلاثه خلطتها
ووضعتها بقمع التزين وحشيت فيها الفطائر وزينتها على جنب ب ورق شبت وقطعت طماطم كرزيه ممكن ترشينها نعناع جاف او زعتر وممكن تحشينها لبنه لوحده حسب الرغبه
الحشوه الثانيه
خلطة تونه مع مايونيز وحشيتها وزينتها على جنب بخس مستورد وشريحة طماطم كرزيه
ممكن تحشينها دجاج او اي شيء تحبينه مرتديلا او جبنه ساده المتوفر عندك والتزين المتوفر وعليكم بألف عافيه 💋💋
