بواسطة @tota1tota12
كوكيز الشوفان الصحي 🍪
بياض بيضتين +بيضه كامله
كاس شوفان والافضل شوفان الشوربه اللي يجي ناعم شوي مو الحبوب اللي استخدمة يطلع افضل
نص كاس سكر اسمر او سكر جوز الهند
ربع كاس دخن
ربع كاس دقيق اسمر (قابل للزياده حسب النوعيه )ممكن تحتاجون زياده على حسب نوع الدقيق
ربع كوب مكسرات اي نوع تفضلون نيه بدون ملح
نص ملعقه صغيره بكنج بودر
ربع ملعقه صغيره بكربونات
فانيلا للنكهه وممكن تضيفون قرفه او هيل او زنجبيل النكهه اللي تحبون وممكن تكتفون باالفانيلا
رشه ملح لابراز النكهه
ملعقه زيت جوز الهند ممكن يستبدل بزيت كانولا
1/نخلط المواد الجافه سواء عداء السكر
2/نخلط بياض البيض مع البيضه والفانيلا لما تنفش
3/نضيف لها وهي تنخفق السكر الاسمر ونتركه لما يذوب ويثقل الخليط ونضيف الزيت ونخفق
4/نضيف ع الخليط المواد الجافه ونقلب لما تختلط
5/نبطن الصينيه بورق زبده
6/نكور الكوكيز بملعقه مقدار ملعقه كبيره او ممكن ملعقه صغيره ونضعها ع ورق الزبده ونترك بينهم مسافه
7/ندخلها فرن مسبق التسخين على درجه 180 لمده 8دقائق فقط ثم نحمرها من فوق شوي
8/اذاء تحبونها رقيقه اضغطو عليها شوي قبل تدخلونها الفرن اذاء تبون تحشونها وتطبقون ثنتين صغروا حجمها
9/التزين ممكن تغمسون نص البسكويت ب شوكلت خالي من السكر وترشونها مكسرات او تخططون الكوكيز باالشوكلت
10/اذا حابين تحشونه ذوبوا الشوكلت مع قشطه لايت وملعقتين حليب سايل ومغلف محلي صناعي وقلبوها شوي بعدين احشوها وطبقوا كل ثنتين سواء
11/الكميه عطتني 18حبة كوكيز كل حبه فيها بدون شوكلت تقريباً 80سعره يمكن اقل او اكثر حسب حجم الكوكيز
وباالعافيه عليكم