بواسطة @tota1tota12
سوفليه صحي ولذيذ الكميه تكفي لشخصين
كل الكميه بدون اضافات فيها 262 سعره
للشخص الواحد 131 سعره بدون اضافات
مع اضافت الآيسكريم لايت السعوديه 181سعره
لو اضفتوا شوكلت احسبوها انا ما اضفت
المقادير والطريقه
1/نخلط بيضتين بدرجه حرارة الغرفه مع فانيلا سايله ملعقه صغيره مع مغلفين محلي صناعي وممكن تزودون لثلاث اضرف لانه كان مر شوي اذاء ماتحبون المحلي الافضل تحلونه بدبس التمر او العسل او سكر جوز الهند ملعقتين او ثلاثه وتحسبون سعراتها طبعاً او نص محلي ونص اي نوع تفضلون من المذكور حتى ينفش
2/نذوب ملعقه كبيره حليب منزوع الدسم مع نص ملعقه نسكافه ونضيفها للبيض ونتركها تخفق لما ينفش الخليط زياده ويتضاعف حجمه
3/ننخل ملعقتين كبيره دقيق اسمر +ملعقتين كبيره مسحوق كاكاو +نص ملعقه صغيره بكنج بودر +رشه ملح ونضيفها باالتدريج ع الخليط وهو يخفق لما يختفي الدقيق
4/نوزعها بكاستين تدخل الفرن وممكن نضيف لكل وحده ملعقه حبوب هيرشي شبه محلاه انا ما اضفت
5/ندخلها فرن مسبق التسخين ع حراره 170لمده من 6الى 8دقايق من تحت فقط وباالعافيه
6/ممكن تقدم مع رشه سكر فقط او يضاف لها آيسكريم لايت ملعقه وفراوله وشوكلت دراك وباالعافيه
ملاحضه /
انا اضفت لها مغلفين محلي فقط وصارت فيها شوي مراره المره الجايه بضيف لها زياده مع المحلي دبس التمر يعطي طعم افضل من المحلي الصناعي 👌🏻😻