طريقة الشبس الصحي باالخل والملح باالماكرويف
1/حبتين بطاطس متوسطه الحجم نغسل البطاطس زين ونفركه باالفرشه اذاء بنترك القشره
او ممكن تقشرونه والافضل تستخدمون بطاطس القلي لان النشاء فيه قليل وقرمشته افضل من العادي
2/نقطع البطاطس شرائح رفيعه باالقشاره او السكين الحاده ضروري يكون خفيف عشان ينجح معاكم.
3/ننقع شرائح البطاطس في ملح وثلاث ملاعق كبيره خل
لمده ربع ساعه او نص ساعه اذاء بطاطس القلي مو ضروري ها الخطوه كنسلوها
4/نصفي البطاطس من الماء ونرش عليه ملعقه ونص زيت زيتون ورشه ملح وملعقتين خل ونقلب
5/نقلب البطاطس زين ونبطن صحن بورق زبده وندهنها بنص ملعقه زيت زيتون ونرص البطاطس كل حبه لحالها مانحطه فوق بعض
6/ندخلها الماكرويف طبعاً الوقت يعتمد على حراره الماكرويف حقكم عشان كذاء حطوا اول شيء ثلاث دقايق بعدين نقلبه ضروري عشان مايلزق ونرجعه ثانيه ثلاث دقايق اذاء لسى رجعوه بعد ثلاث دقايق ثم اذاء حسيتوا ابتداء يتقرمش حطوا دقيقه دقيقه اذاء جهز شيء من البطاطس طلعوه عشان مايحترق وهكذاء لما نخلص كل الكميه انا اخذ مني وقت الدفعه الاولى 12دقيقه الدفعه الثانيه بس 6دقايق عشان الماكرويف ساخن
7/نفس الصحن وورق الزبده حطوا عليه بدون ماتزودونه زيت ولا تغيرونه يكفي
ملاحضه /ممكن نرش التوابل ع البطاطس بعد ما يستوي ويصير شبس بس الملح حطوه قبل افضل
تغميسه الفيلادلفيا/
فيلادلفيا لايت /زبادي /ليمون معصور /ملح وفلفل اسود
وع الوجه ضفت نعناع مجفف وسماق وباالعافيه
ممكن تصلحون البطاطس بنفس الخطوات وتخبزونه باالفيلبس