كيكة الحليب والزعفران اللذيذه
1/المواد كلها ضروري تكون بدرجه حراره الغرفه ونكون مشغلين الفرن قبل نبتدي باالشغل 👍🏻
2/في المضرب الكهربائي نخلط خمس بيضات وكاس سكر وملعقه فانيلا وغطاء خل الى ان ينفش ويصبح ابيض كريمي
3/ننخل كاس ونص دقيق وملعقه كبيره بكنج بودر
4/نخلط ثلاث ارباع كاس حليب المراعي مع ربع كاس زيت ونتركه على جنب
5/بعد ماينفش البيض ويتحول للون الابيض نبتدي نضيف الدقيق مع البكنج بودر وخليط الحليب والزيت باالتناوب ونخلط باالمضرب اليدوي على ثلاث دفعات لما ننتهي
6/ندهن الصينيه باالزيت ونضع فيها الخليط وندخله الفرن من 20دقيقه لـ نص ساعه لما تستوي ونحمرها نطلعها
7/نجهز الصوص
ربع علبة حليب نستله +نص علبة حليب بوني او ابو قوس +كاس حليب طازج السعوديه او اي نوع +فنجال ماء حار منقوع فيه زعفران وندخله باالثلاجه لما يبرد وتستوي الكيكه
8/نخرم الكيكه بعد ماتطلع من الفرن ونشربها باالصوص وهي ساخنه والصوص بارد
9/ندخلها الفريز تبرد تماماً
10/تغطية الوجه اما ظرفين دريم ويب مع ثلاث ارباع بياله حليب بارده او كريمه خفق مع سكر بودره
11/ نرشها بزعفران وورد محمدي مفتت
12/اذا تحبونها غرقانه صوص سوو صوص زياده وصبوه فوقها وقت التقديم وباالعافيه