- 142
- 0
- الأحد, 13 مايو, 2018 - 12 , مساءً
- التقييم:
الطريقة و المقادير
هذي وصفة جريش بالدجاج حدها لذيذة وسهلة ..
.
.
جريش بالدجاج
نسلق الدجاج بماء ونشيل الزفر تالي نتبله بالبهارات العدلة (دارسين وهيل ومسمار وورق الغار ولومي اسود) وبهارات بودر (ملح وفلفل اسود وبهار مشكل وكمون وكركم وكاري)
وعندما يستوي الدجاج نزيل العظم والجلد ونسحبه قطع صغيره ونتركه جانبا
نحمس بصل مفروم بشوية زيت ولما يذبل
نضيف ثوم مهروس وعلبة ونص معجون طماط
نحمس معجون الطماط دقيقتين تالي نضيف طماط مبشور ونتبله بملح وفلفل اسود وبهار مشكل ومكعب ماجي (اختياري) ونحمس 5 دقايق حتى تتسبك الصلصة
نضيف كوب ونص جريش مغسول ومنقوع
ونضيف الدجاج المسحب وماي سلق الدجاج
ونخليه على نار هادية لمدة ساعة ونص تقريبا
مع التحريك المستمر
عندما يثقل الجريش نضربه اما بالملاس او ملعقة خشب وهي الطريقة الاصلية او بالخلاط الكهربائي او بمضرب الكيك (انا ضربته بمضرب الكيك)
واذا حسيتوه ثقيل ممكن نضيف ماي مغلي
حشوة البصل :
بصل مفروم ناعم نحمسه بدون زيت حتى يتحمر
نضيف شوية زيت وملح ولومي اسود بودر وكمون وفلفل اسود
وبالعافية💕
.
.
من حساب
@omaziz_kitchen
