◾تحضير الرز:
.
🔸اول شي بدأت أشخل العيش بس بطريقه مختلفه طلع طعمه رووووعه .. قلبت بشوي زيت بصل وثوم فرم ناااعم وبعدين نزلت الرز
.
🔸(الرز غسلته فقطط بدون نقع .. غسلته بماء فيه كركم وصفيته من الماء)
.
🔸قلبت الرز مع البصل والثوم واضفت ملح وفلفل اسود وبهار لحم وصبيت ماء غزير وخليته عالنار بعد الغليان خمسة دقائق .. أطفأت النار وصفيت الرز وخليته على جنب
.
◾تحضير خلطة الكفته:
.
🔹بقدر منفصل حطيت زيت زيادة شوي وقلبت معاهم الكفته مثلجه بدون تذويب .. استخدمت كفتة غنم المواشي .. ريحه وطعم وبهارات رووعه
.
@al_mawashi
.
🔹غطيت القدر علشان احسهم استوو شوي ورفعتهم بطبق منفصل .. وبنفس الزيت نزلت بصل وطماطم وفلفل اخضر بارد وكلهم مقطعين شرايح وجوانح عريضة وقلبتهم عدل مدل ونزلت عليهم كيس كنور خلطة الكبسة (ممكن نستغني عنه طبعا ونستخدم ملعقه كبيرة معجون طماطم)
.
🔹رجعت الكفته فوقهم وصبيت شوي ماء مو واايد .. وغطيت القدر علشان الخلطه تتسبك عدل
.
🚩 ملاحظه مهمه: لاحظوا اني ما اضفت ملح ولا اي بهار .. لان كيس الكبسه يغني .. واللي مايستخدم كيس كنور ويستبدله بمعجون طماطم .. عادي ممكن اضافه بهار وملح بس انتبهوووو لان الكفته مبهره والرز ايضا
:
.
⚠✋ بقولكم شي .. ترى مو لازم نستخدم قدر ثاني او قالب كيكه ولا مايحزنون .. عادي جدا بعد ما استوت خلطة الكفته بنفس القدر اللي كانت فيه .. نروح نحط فوقها العيش ونغطيها ونرجعها الغاز على نار هادية نص ساعه وانتهينا

بس انا حبيت اراويكم فكرة جديدة وان شالله تعجبكم وهي كالتالي

🔹وفوقها خلطة الطماطم والبصل والفليفله وبدأت احط الرز فوقهم
.
🚩 انا اخذت شوي من الرز وقسمته قسمين .. قسم لونته برتقالي وقسم لونته أخضر .. تفلسف يعني🙈
.
🔹بس وسلامتكم حطيت الرز كل الالوان بالتناوب وغطيت القالب وحطيت القالب بالفرن نص ساعه علشان يتسبك عدل ويطلع منه البخار الزايد
.
🔹وترى ممكن عالغاز مو لازم فرن .. وبالعافيه