بواسطة @tota1tota12
طريقه تحميص واعداد القهوه العربيه ع طلب كثير من المتابعات ادري الطريقه معروفه بس انطلبت مني اكثر شيء كل مانزلت صوره لقهوتي يطلبون الطريقه
1/ننقي حب القهوه من الشوائب والحب الخربان
2/نغسل القهوه من اربع لحمس مرات لما تصفى مويتها
3/نتركها بمصفى لما تتخلص من الماء تماماً
4/انشرها ع صحن كبير واغطيها بقماش خفيف واتركها باالشمس لما تجف او اجففها باالفرن ع نار هاديه جداً واقلبها كل خمس دقايق لما تنشف تماماً
5/احمص القهوه اما باالفرن مع استمرار التقليب من فتره لفتره ع نار هاديه جداً او باالقدر ع نار هاديه مع استمرار التقليب لمانوصل لدرجه التحميص المطلوبه او باالحماسه
6/درجه التحميص ع حسب رغبتكم فيه ناس تحبها خفيفه وناس وسط وناس اغمق من الوسط مثلي وناس تحبها سوداء غامقه جداً
7/اترك القهوه تبرد تماماً بصحن كبير ثم نطحنها بس كميه تكفي ليومين ثلاثه باالكثير
8/نحتفظ باالمتبقي باالفريز بدون طحن بعلبه محكمه عشان تحافظ القهوه ع نكهتها نطحن وقت الحاجه فقط
9/اعداد القهوه كل لتر من ملعقتين قهوه الى ثلاث ملاعق ونتركها تغلي ع نار متوسطه من نص ساعه لعشرين دقيقه
الاضافات للقهوه احب اضيف لها قبل اطفيها بخمس دقايق نص فنجال صغير قهوه حليب ابو قوس و نتفه من صفار الزعفران اذا بتقولون مضر لاتضيفونه انا احب لونها فاتح
10/في ترمس القهوه او الدله اضيف الزعفران واصب عليه نص فنجال ماء حار واغطيه ينقع
اضيف للقهوه الهيل ع حسب رغبتكم وازلها ع الزعفران اتركها عشر دقايق قبل نصبها تأخذ نكهة الزعفران
وخلصنا مافيه اسهل ولا اسرع منها ممكن تضيفون لها شوي قرنفل