- 40
- 0
- الخميس, 11 مايو, 2017 - 7 , مساءً
- التقييم:
الطريقة و المقادير
استخدمت ورق الجلاش باكيت كامل ولازم تغطونه بفوطه مبلله وانتو تستخدمونه
والصلصه الي بحطها بين طبقات الجلاش كالآتي :
كوب ونص حليب سائل وبيضتين وربع كوب زيت وملعقتين طعام خل ابيض وملح وفلفل اسود ولا تكثرون من الملح نخلطهم مع بعض ونخليه على جنب ونسوي الحشوه وهذي مكوناتها ربع كيلو جبن فيتا ونص شدة بقدونس مفروم وكوب من جبن الماتزوريلا نخلطهم مع بعض ونخليه
وبعدين بصينية المنيوم مستطيله او اي صينية فرن نمسح الصينيه بشوية زبده او زيت ونحط ورقتين من الجلاش ونرش عليه شوي من صلصة الحليب ونمسح عليه عدل بالفرشاه ونكرر الطبقات كل مره ورقتين وبينهم صلصة الحليب لغاية ست طبقات او اكثر ونحط الحشوه ونكرر العمليه لغاية ما نخلص الجلاش وبين طبقه وطبقه نحط صلصة الحليب واخر شي نقطعه بسكينه حاده على شكل مربعات ونرشه بالسمسم وقطع من الزبده على وندخله الفرن على حراره ١٩٠ من فوق وتحت الفرن ونخليه لين يتحمر ونطلعه من الفرن ونقدمه واهو حار وراح احطلكم شكلها النهائي