بواسطة @tota1tota12

كوكيز التمر القاتل بطريقه دايت فاكتوري😴👌🏻
خالي من الغلوتين مناسب للي يعانون من حساسيه القمح
كاس ونص لوز مطحون ناعم
كاس تمر خلاص منزوع النوى
رشه ملح
انقع ملعقه كبيره بذور الشيا مع ثلاث ملاعق كبيره ماء واتركه خمس دقايق لما يتحول لجل
ملعقه صغيره فانيلا
ملعقه صغيره قرفه
نص ملعقه بيكربونات الصوديوم
نخلطهم كلهم سواء بمحظرت الطعام لما تختلط
اطلعها بزبديه واعجنها ثم اضيف لها نص كوب حبوب هيرشي شبه محلاه او دراك شوكلت ٧٥./٠
اشكلها اقراص واضغطها وارصها بصينيه قصيرة الحافه مبطنه بورق زبده واخبزها بفرن ساخن درجه حراره ١٧٠ من ثمان دقايق الى عشر دقايق من تحت ثم دقيقه من فوق اذا حابين مو ضروري اتركها باالصينيه تبرد تماماً قبل تشيلها
غلفت كل حبه لوحدها وع الفريز وقت ما ابي سناك اطلع لي حبه وحده فقط
لذيذ ها الكوكيز طري وذايب قاتل وصحي لايفوتكم
لاتكثرون منه صح صحي بس سعراته تعتبر عاليه لان فيه لوز وتمر وعليكم بألف عافيه