دجاج تندوري 🍢
١/اقطع صدرين دجاج مربعات متوسطه افضل صدور دجاج استخدمة طريه بنده وساديا من وجهة نظري وانتو براحتكم استخدموا اللي تحبون ✋🏻
٢/اتبل الدجاج بـ ملعقه معجون التندوري الجاهز رشه بهار تندوري رشه بابريكا ليمون ملعقه زبادي رشه ملح لاتكثرون لان معجون التندوري فيه ملح شوي خل
ملعقه صلصه ثلاث ملاعق زيت زيتون فنجال ماء اقلبها واتركها في الثلاجه ساعتين او قبل بليله اتبلها
٣/بديل التتبيله لو ماعندكم معجون التندوري
افرم بصله ناعمه مره واكشنها لما تذبل واضيف لها زنجبيل مفروم طازج وثوم واقلب لما يذبل اضيف لها ملعقتين صلصه وطماطم حبه مخلوطه باالخلاط واتركها تتسبك ثم اضيف لها بودرة ماجي وملح وكاري وبهار تندوري وكركم واذا تحبونها حاره فلفل ارفعها من النار واتركها تبرد ثم اضيف لها ليمون معصور وزبادي و خل وزيت زيتون واتبل بهاا الدجاج نفس الطريقه
٤/انقع عيدان الشواء الخشب بماء ساخن لمدة ساعه عشان ماتحترق باالفرن
٥/اشك الدجاج باالعيدان واضع بينه بصل فلفل طماطم
٦/احظر صينيه ابطنها ورق زبده واضع فوقها شبك وادهنه مسحة زيت وارص الاسياخ
٧/ادخلها فرن مسبق التسخين من تحت وفوق سواء باالرف الوسطي وبنص الوقت اقلبه لان اللي تحت مابيتحمر لان الشبك مرتفع فضروري تقلبونه يكمل سواء
٨/يأخذ باالفرن نص ساعه فقط بيستوي ويصير ذايب
٩/ممكن تشونه ع الفحم او بشوايه الكهرب وممكن اذا تحبونه نكهة الشوي تبخرونه لما تخلصون بجمره مع شوي زيت وتكتمونه بقصدير
بواسطة @tota1tota12