لاتيه كيك بطريقتي الخاصه 🍰☕️
الطريقه من اختراعي وجداً لذيذه من سنين اسويها
علبتين قشطه ظرفين دريم ويب
ظرفين كريمه كرامل
٤حبات كيك سفن دايز او يامي اي نوع متوفر
٣حبات رينجوا اصابع باالشوكلت مالقيت بدلته ببريك ابو ٤اصابع او ممكن كت كات
نسكافيه نوع جيد
حليب سايل
بسكويت بالزن الاصفر بحط لكم صورته انا مالقيته بدلته بـ ٦حبات بسكويت جوزاء طبعاً البالزن الذ طعم 👌🏻😻
في الخلاط الكاس اضع
القشطه +الكريم كراميل +نص ملعقه نسكافيه مذوبه بفنجال ماء واخلط لما ينخلطون
والخلاط شغال اضع الرينجو ع دفعات او البريك لما ينخلط ويختفي وهزوا الخلاط عشان ينخلط زين
بعد مايخافي ابتدي اضيف الكيك ع دفعات لما يختفي وميلوا الخلاط شوي عشان تتأكدون انه انخلط كلش
في صينيه تبون بايركس وسط او المربعه نفسي اذا تبون اعرض ارتفاع
اذوب شوي نسكافيه مع حليب وماء واغمس البسكويت زين لازم تتأكدون انه تشرب بس لاتخلونه يميع ورصوا باالصينيه طبقه ثم صبو شوي من الخليط ومدوه ع كل الصينيه ثم بسكويت مغمس ثم شوي من الخليط ثم بسكويت مغمس ثم باقي الخليط ثم بسكويت مغمس آخر شيء نفس الخلاط ضيفوا عليه الدريم ويب واذا باقي من حليب تغميس البسكويت حطوه وحطوا زياده حليب تقريباً اقل من الفنجال واخلطوه زين ثم مدوه طبقه ع البسكويت آخر شيء رشو ع الوجه بسكويت مطحون وكثروا حبتين واذا تحبون شكل رشه نسكويك
وع الفريز ساعتين او ثلاثه ثم نزلوا باالثلاجه يوم كامل عشان يطلع لكم البسكويت ذايب ومندمج مع الكريمه ولذيذ وقوامه يجنن انا استعجلت عليه عشان اللي عندي مستعجلين ماراح ينتظرون لي بكره يجنن الحلى لذيذ لايوقف وبارد يسرسح