كور الروزيتو 😴👌🏻
١/احتاج مكرونه لسان العصفور اسلقها واغسلها ثم اصفيها من الماء
٢/اجهز صوص الطماطم نفس صوص البيتزا طريقته موجوده في هاشتاق #وصفات_توتا_الرمضانيه
٣/احمس بصل مع ثوم وشوي زيت لما يذبل ويتحمر
٤/اضيف له فلفل الوان مفروم واقلب ثم اضيف التوابل عباره عن بابريكا بهارات ايطاليه بهار تكا ونص مكعب ماجي طبيعي
٥/افرم بمحظرت الطعام نص صدر دجاج مع ماشروم واضعه ع البصل والفلفل واقلب لما يستوي وواضيفه ع المكرونه واقلبه سواء
٦/اجهز صوص البشاميل عباره عن
ملعقه ونص دقيق ثلاث ملاعق حليب بودره رشه بصل بودره او ثوم نص مكعب ماجي طبيعي فلفل اسود اضيف لها ثلاث كاسات وربع ماء واقلبها ع النار لما تغلظ ويصبح قوامها مثل المهلبيه
٧/اضيف لها جبنه موزريلا وقشقوان واذا تحبون التشدر والبارميزان ضيفوا من كل نوع شوي
٨/اضع البشاميل ع المكرونه واقلب لما اوصل قوام يكون متماسك وادخلها الفريز ساعه تقريباً لما تتماسك
٩/اطلعها واكورها بملعقه الايسكريم او بااليد وارجعها ع صينيه مبطنه بورق زبده ربع ساعه ع الفريز
١٠/للتغطيه اجهز بيضه مخفوقه مع حليب ورشه فلفل اسود وملعقه خل و دوريتوس مطحون او كورنفليكس او بقسماط باالتوابل الايطاليه انا اخترت الدرويتوس لان متوهقه فيه لاتلتزمون فيه اختاروا المتوفر عندكم
١١/اغطس الكور بخليط البيض ثم الدوريتوس وارصها بصينيه مبطنه بورق زبده ومرشوشه ببخاخ الزيت وابخها من قوق بشوي زيت وادخلها فرن مسبق التسخين من تحت وفوق لما تتحمر
١٢/في طبق التقديم طبقه خفيفه من صوص الطماطم وفوقه رشه بسيطه من كريمه الطبخ واوراق بقدونس ثم الكورات وننثر عليها بارميزان شيز و فلفل الوان وبقدونس وبألف عافيه الطعم جداً مميز ولذيذ 😴👌🏻