تشيز كيك سهل ومضبوط
الطبقه الاولى
٢٢/حبة بسكويت داجستيف مطحون
نضع عليه ملعقه سكر مو ضروريه
ونص اصبع زبده مذوب مو اكثر عشان
يصير البسكويت هش مو قاسي
وملعقتين كبار ماء نفركها بااليد ندهن القوالب بزيت قبل عشان يكون الشيز اطرافه مرتبه ونضع البسكويت
في قوالب الشيز الميني المتحركه القاعده
اورصينيه كبيره لو حابين ونضغط عليها زين
بااليد لما نحس انها متماسكه وع الفريز
الطبقه الثانيه
في خلاط الكأس علبه قشطه +ظرفين دريم ويب
لماتنفش ثم نضع عليهم علبه جبن كريمي ٢٠٠جرام
فيلادلفيا او كيري ١٢حبه ونتركها لما يختفي الجبن
ثم نضيف عليهم نص علبه نستله ونخلط لما يتكون
خليط ناعم نذوب ملعقتين كبار جيلاتين في ربع
كأس ماء حار لما يذوب ثم نضعه ع الخليط والخلاط
شغال ونتركه يخلط شوي ثم نطفي الخلاط ونصب ع
البسكويت ونضرب القالب ونهزه عشان يكون الشكل
مرتب وع الفريز ساعه ثم نضعه الثلاجه من ثلاث لـ
اربع ساعات ونزينها حسب الرغبه انا هنا زينتة
شي لوتس وشي نوتيلا وشي توفي وسلامتكم
ملاحضه
١/المقدار يكفي ٢٤حبه ميني واذاء بتحطينه صينيه
كبيره ادبلي مقادير الخلطه عشان يكون سمكها حلو
او حطيها بصينيه صغيره اما طبقه البسكويت نفسها
٢/ممكن تقسمين الخليط وتلونينه وتحطين معاه نكهات
كل لون نكهه والتزين ع حسب الرغبه وعوافي ع قلوبكم