بروستد الدجاج باالفرن صحي ولذيذ🍗
١/نجهز التتبيله عباره عن
علبه زبادي قليل الدسم مخفوقه
نص علبة الزبادي ماء
عصير ليمونه
غطائين خل
بابريكا بهار المشاوي من اسناد فلفل اسود
بودره ثوم وبودره بصل ملح نخلطهم سواء **ننقع فيها قطع الدجاج اللي تحبون
اما دجاجه كامله مقطعه او افخاذ او صدور او سيقان براحتكم انا استخدمه افخاذ كامله سويت فيها فتحات عشان تتغلغل التتبيله جواء الدجاج وصدور قطعتها شرائح مثل الاستربس ممكن تخلونها كبيره **ننقعها اقل شي ساعتين داخل كيس افضل تضمنون التتبيله تتغلغل بكل الدجاج **في طبق نضع بقسماط ياباني الذ ويعطي قرمشه
ورشه ملح وفلفل وبابريكا وبودره بصل وثوم وبهارات المشاوي واقلب ثم اغمس الدجاج فيه واغطيه من كل الجهات زين **اجيب صينيه وابطنها بقصدير ثم اضع فوقه شبك وارشه ببخاخ الزيت وارص الدجاج فوقه ثم ارش بخاخ الزيت فوقه **ادخله فرن مسبق التسخين من تحت فقط لما يكمل ٤٠دقيقه الى ٤٥دقيقه وانتي شيكي ع الدجاج اذا استواء افتحي النار العلويه للفرن وحمريه من فوق ثم يقدم بألف عافيه عليكم
لذيذ وصحي وقليل الدهون ممكن تشيلون الجلد بعد اذا حابينه اصح وهو الافضل 👌🏻😻