◾المقادير:
.
🚩 تكفي لعمل قالب دائري (الافضل يكون متحرك القاعده) ومقاسه 8 انش او 6 انش حسب السماكه اللي تحبونها
.
🔸نص كوب زبدة طرية بحرارة المطبخ (100جرام)
🔸ثلث كوب سكر بني
🔸ثلث كوب سكر ابيض
🔸2 م.ص فانيلا سائله
🔸بيضه واحده
🔸كوب طحين ابيض
🔸نص م.ص باكنغ باودر
🔸رشة ملح
🔸نص كوب قطع شوكولاته هيرشي
🔸الحشوة اختياري (نوتيلا او جالاكسي بكيفكم)
.
.
◾ الطريقه فهي كالتالي:
.
🔹نبدأ باضافه الزبده والسكر النوعين والفانيلا (نركب شفرة التقليب) ونشغل الماكينه ترررررررررررر حتى نحصل على عجينه لينه متجانسة
.
🔹نضيف البيضه والمكينه شغاله ونكمل تررررررررر
.
🔹الان نضيف نص كمية الطحين (مخلوط بالباكنغ باودر والملح) ونشغل ترررررررررر
.
🔹نرجع نضيف الباقي وترررررررر لغاية ماتتجانس العجينه
.
🔹الان نضيف قطع شوكولاته هيرشي وعندكم حل من الاثنين .. يا اما نكمل بالمكينه ترررررررر أو نخلط بالملعقه جق جق جق
.
🔹المهم .. خلطنا وخلصنا وماشالله علينا .. ناخذ نص العجينه ونفردها بالقالب المدهون مسبقا ونحط فوقه النوتيلا أو أي حشوة نحبها
.
🔹وبعدين نفرد فوقها باقي العجينه ونساوي السطح ونضبطها ونكشخها ونجهزها للفرن
.
🔹مرحلة الفرن مهمه .. يكون محمي مسبقا 180 درجه . من تحت فقطططط والصينية بالوسط
.
🔹ندخلها 25 دقيقه وبس نشوف الحواف تحمرت نشغل من فوق لغاية ما يستوي السطح وطبعا نطفيء من تحت .. أو نقصر الفرن من تحت لأقل درجه .. المهم انتبهوا لاتحترق عليكم 🔥
.
🔹وانتبهوا لايكون ما استوت من تحت .. عاد هذي عالنظر تعرفونها

وبس خلصنا .. تاكلونها بألف عافيه مع ايس كريم فانيلا