برياني سمك بالول
البالول اهو نفسه سمك هاموور بس صغير يعني لي كبر يصير هامور
يمكن استخدام اي نوم تحبون
بس اطيب شي هامور بالول ممكن كنعد.. تتبيل السمك(كركم كمون كزبرة بهار سمك كاري _بهار سمك ماسالا ملح ولومي اسود)
اكرر واقول البهارات حسب الذوق
تبون ضيفو ما تبون لا تحطون

يقلي السمك ويترك ع جنب بدون طحين او خلطة طحين

العيش نسلقه ٣/٤ارباع استوا
ماي حار بهارات حب ورق كاري مسمار هيل
ملح وملعقة صغيره خل_ليش الخل
عشان حبة العيش تصير بيضه ونثريه

نحمس بصل مفروم ثوم وزنجبيل
كزبرة مفرومه نعناع مفروم
ورق كاري وبهارات حب(مسمار هيل دارسين ورق كاري فلفل اسود)
طبعا نحمسهم بالسمنه
او الزبدة الذ…
بعدها نضيف كوب طماط مهروس وملعقة معجون الفلفل البارد ،او صلصه ام اف الحمرا
نص علبة معجون طماط
روب نص علبه
وشوي بهارات كاري وسمك وغرام ماساالا فلفل حار حبتين
نخلط عدل عدل بعدها نضيف ماء قليل اذا احتجنا
نخلي الخليط ع النار
وبعدها نضيف العيش المسلوق ونقلبه خفيف ونخلية واخر طبقة السمك اللي قليناه
ونحط من فوق لون زعفران ولون مانجا او صبغات البرياني
شوي كزبرة مفروم وبقدونس مفروم ونعناع وشوي بصل مقلي وملعقه زيت السمك اللي قليناه

ونخليهم على النار٣٥دقيقه او اقل
صحة وعافية