بسم الله نبدا اولا بالتتبيله وهذي تتبيله ممكن تستخدمينها للدجاج واللحم والسمك :
نخلط بالملعقه سكر بني ثوم وزنجبيل اخضر وصويا ثقيله زيت زيتون ومعجون صلصه وعليه شوي مويه ونحطه في قدر صغير عالنار ونغليه ٥ دقايق ونضيف شوي زعتر اخضر او اكليل الجبل وملح خشن
وفلفل اسود وبشر ليمونه وعصير ليمونه ونقلبهم وممكن نحط واحد فلفل احمر حار كامل من دون تقطيع نتبل به شرايح الدجاج في كيس بلاستيك ونشيل الفلفل
نترك الدجاج كم ساعه فالتتبيله انا خليتها من الليل فالثلاجه .. بعدها نحط في المقلى زبده مع شوي زيت ونحط قطع الدجاج عليها حتى يتحمروا من الجهتين بعدها نحط الدجاج على جنب ونحط في نفس المقلى شرايح وممكن اصابع جزر وممكن فاصوليا وكوسه ونقلبهم فالصوص فالمقلى وبعدها نضيف جوانح بصل مع فلفل رومي الوان ونرش رشة ملح وفلفل اسود ونقلبهم بس مايستوون تمااام نبغاهم كرنشي .. وممكن نحط قطع جبنه على الدجاج قبل التقديم مباشره .. رز بالشعيريه :
نحط زيت او سمنه ونحط عليه شعيريه ونحمرها ونحط الرز وتقلبهم زين ونحط قطعة قرفه وملح ومويه مغليه ونسلق الرز عادي ..
ونقدم صدور الدجاج مع الرز والخضار وممكن نستغنى عن الرز ببطاطس مسلوقه او مقليه وبالعااافيه