تفضلوا هذي طريقة الدجاج الكاريبي .. والمفروض انه ينشوي عالفحم وينضاف للتتبيله فالخلاط فلفل اخضر حار بس عيلتي ماتحب السبايسي فخليته من دون فلفل…
الطريقه:
من الليل نتبل قطع الدجاج في التتبيله التاليه:
نخلط فالخلاط بصله و٥ فصوص ثوم ونص فلفل رومي اخضر ونحمسها في شوي زيت زيتون عالنار ونقلبهم شوي عالنار بعدها نضيف ملح وفلفل اسود مجروش وشوي فلفل احمر حار مجروش وبهار مشكل ونضيف حوالي ربع كاس كاتشب ونقلبهم عالنارونضيف شوي خل ابيض وشوي سكر اسمر ونخلي الخليط يغلي شوي وبعدها نطفي النار وبعد مايبرد تماما نحط التتبيله على قطع الدجاج ونحفظها فالثلاجه من الليل ..
نرص قطع الدجاج مع التتبيله في صينية الفرن ونغطيها بالقصدير وندخلها الفرن من تحت حوالي ٣٥ دقيقه وناخذ القطع لحالهم في صينيه ونحمرهم فالفرن من فوق وممكن نبخرهم بجمره في زيت ..
الرز: نحمس بصله ناعمه فالزيت وبعدها نحط ثوم وكزبره خضرا ونحط عليها شوي بديل الماجي او بهار مشكل ونحمسهم ونحط الرز ونحمسه شوي ونحط عليه مويه مغليه وملح وينطبخ عادي ..
نقدم الدجاج مع بطاطس مشويه فالفرن بالتتبيله المرغوبه ونزين الاطباق ببصل اخضر وبالعافيه