◾مقادير الخلطه
.
🔹بصله كبيرة مفروم ناعم
🔹راس ثوم مفروم ناعم
🔹كوب معكرونه مسلوق اي نوع (استخدمت الاصداف الصغيرة)
🔹خبزة واحده مقطعه مربعات صغيرة ومحمصه بدون تحمير
🔹زيت زيتون
🔹ملح فلفل كمون كزبرة بودرة حسب الرغبة
🔹كوب ونص عدس مغسول ومسلوق بلتر ونص ماء
صلصة تمر هندي (صبار) جاهز .. استخدمت خلطة جاهزة من ام اف او اي ماركه
.
◾مقادير الزينه او التوبنغ
.
🔹بصل جوانح رفيعة مقلي
🔹كزبرة فريش مفروم
🔹4 حبات ثوم مدقوق
🔹خبز محمص او مقلي
🔹حب رمان
.
◾الطريقه:
.
🔸بقدر عالنار نحط زيت زيتون ونقلب البصل والثوم مرة وحده لمن يذبلو شوي بدون ما يتغير لونهم كثير
.
🔸نضيف العدس بالماي اللي فيه (مسبقا نكون نظفنا العدس وغسلناه ونسلقه بالماء)
.
🔸اول ما يرجع يغلي الخليط نضيف المعكرونه المسلوقه مسبقا طبعا بس لاتخلونها تهتريء
.
🔸واضفت الخبز المحمص مسبقا بدون تحمير وممكن اضافته بدون تحميص عادي ونقلب الجميع حتى يرجع للغليان
.
🔸الان نضيف سائل التمر الهندي المتعارف عليه بالكويت باسم دقوس صبار
.
🔸ونضيف شوي دبس رمان .. مع ان التمر هندي يغني عنه بس كيفكم
.
🔸اضفت شوي كزبرة فريش لمزيد من النكهه وعدلت الملح واضفت شوي كمون وكزبرة بودرة
.
🔸في هذي المرحله حسيت ان الخليط سائل زيادة فقمت بهالخطوة👇
.
⚠ذوبت ملعقتين طحين بشوي ماء واضفتهم وعلطووول جمد الخليط وصار ثقيل بس ديرو بالكم مو وايد⚠
.
🔸خلصت الطبخه وبدأت بتحضير التغطية وكل مقاديرها جاهزة .. فقط بشوي زيت زيتون قلبت ثوم وكزبرة فريش بدون مايتغير لونهم وايد بس قلبتهم تقليب وحمستهم شوي
.
🔸حطينا الخلطه بالطبق واضفت جميع مكونات التوبنغ على ذوقي .. في ناس تحب البصل المقلي اكثر وفي ناس تحب الكزبرة والثوم اكثر .. كل واحد وكيفه
.
🔸شوفوا لونها روعه ماشالله والوصفه اساسها العدس والتمر الهندي او دبس الرمان بس انا افضل التمر الهندي .. استخدمو نوعية جيده راح يفرق بالطعم .. استخدمت ماركه ام اف .. احبهم واثق فيهم
.
.
وعليكم بالف عافيه