طريقة الزربيان :
اولا تتبيلة الدجاج ( المقادير لكل دجاجه ) :
حبه بصلة كبير مقطعه شرايح / نحمي الصاج مع ثلث كوب زيت ونقلب البصل لين يتكرمل نصفيه ونحطه بالخلاط مع ملعقه كبير زنجبيل / ٣ فصوص ثوم كبيره / حبه فلفل حار كبيره / ملعقه صغيره بهار مشكل / ربع ملعقه صغيره ملح ليمون / ملعقه كبيره ملح / علبة زبادي كامل الدسم / نخلطهم / ونحطهم فوق دجاجه منزوعه الجلد / معاهاحبه كبيره بطاطس مقطعه ارباع كبار / وحط بهارات صحيح ربع ملعقه صغير لكل من ( كزبره ، كمون ، فلفل اسود ) وعود قرفه ، ٤ حبات هيل حبتين ورق غار .. ينقعو نص ساعه اقل شي
ثانيا الطبخ :
بالقدر نحط الدجاج مع كوب ماء مغلي ونشغل النار ونقلبهم سوا ع نار عاليه اول ما تفور نهدي النار ونغطيها ربع ساعه ..
الرز = كوبين رز حبه طويلة بنجابي
مغسلين بدون نقع / نجهز لهم قدر فيه مويه غزيره تغلي مع ٤ حبات هيل و ملعقتين كبار ملح وزيت / نسلق الرز ٣ دقايق فقط ونصفيه ثم نحطه فوق قدر الدجاج ونصب فوقه موية زعفران ( زعفران مدقوق معاه زبده او سمنه وملعقه صغيره موية مغليه )
ثم نحط فنجال زيت وفحمه فوقه ونغطي القدر بقصدير والغطا ونهدي النار ٢٠-٣٠ دقيقه شمعه تكون .. وبالعافيه