وصفة المقلوبه بالدجاج والخضار
انا استعملت بالوصفه صدور دجاج تقريبا ٤ شرايح من صدور الدجاج
اول شي تبلت الدجاج بالكاري وباريكا وبهار الدجاج وشوحت الصدور بشوية الزيت تشويحه خفيفه وتالي في نفس الزيت شوحت حلقات من البصل وشلته وشوحت حلقات من الفلفل الاخضر وخليته على جنب وبنفس الزيت شوحت حلقات من الطماط وخليته على جنب وتالي قليت البطاط بالزيت وقليت الكوسا وقليت الباذنجان وطبعا كل شي بروحه وطبخت الرز نص سوا وصفيته وجهزت صلصه علشان اسقيها على الخضار والدجاج والصلصه مكوناتها ملعقتين كبار شوربة خضار ارض الطبيعه او مكعبين خضار و ملعقه وسط بابريكا وملعقه من الكاري وعلبة ونص معجون طماط وضفت عليهم ٣ اكواب من الماي المغلي ونخلطه عدل ونخليه على جنب علشان وقت ترتيب الخضار والرز بالجدر نسقيه بهالخلطه
وتالي نحط شوية زيت بقاع الجدر ونرتب حلقات البصل ونحط فوقه صدور الدجاج ونسقيه بشويه من خلطة المعجون ونرجع نحط حلقات الطماط والبطاط والباذنجان والكوسا ونسقيه بشويه من خلطة المعجون ونحط طبقه من الرز ونسقيه بخلطة المعجون ونحط شوية زيت اخر شي على الرز ونضغط عليه بظهر الملاس علشان لما نقلبه يطلع شكله مرتب ونخليه على نار عاليه ٥ دقايق وتالي نقصر عالنار ونخلي تحته حديده تقريبا ٤٥ دقيقه وعقب ما نطفي النار نخليه ربع ساعه وتالي نقلب الجدر وبالعافيه