- 105
- 0
- الأربعاء, 20 ديسمبر, 2017 - 7 , صباحًا
- التقييم:
الطريقة و المقادير
البرياني السريع والذيذ😍😋👌🏼
المقادير وطريقة التحضير ..
.
بقدر الضغط اضفت بهارات عدله ( قرفه / هيل / مسمار / فلفل اسود / ورق غار ) ومع زبده .
واذا طلعت ريحتهم نضيف بصل مقطع صغار وثوم حتى تذبل
.
بعدها نضيف الدجاج ( انا اضفت نصف دجاجه قطعتها اربع قطع) وبطاطس مقطع كبار .
نترك الدجاج يتحمر على نار عاليه
نضيف البهارات المطحونه ( كركم / كمون / بهار مشكل)
.
وبعدها نضيف ملعقتين صلصه وملعقتين مليانه زبادي
والملح .
نضغط القدر واذا بدأ في الصفير نخفض النار ونتركه ربع ساعه كافيه بدون مويه طبعا لان بتطلع مويه الدجاج والزبادي
.
.
نضيف الرز والفلفل🌶 للدجاج (ونتأكد ان السائل موب كثير على الرز واذا قليل نزيده مويه)
ونضغطه 7 دقايق اذا كان الرز ابو كاس او الوليمه و4 دقايق اذا كان باب الهند .
.
الكشنه:
بصل مع زبده واذا تشقر اضيف مكسرات وشوي بهارات وممكن كزبره مطحونه ولون زعفران .
ومع سلطه الزبادي والخيار👌🏼😋
وبالعافيه
