- 126
- 0
- الأحد, 7 مايو, 2017 - 9 , مساءً
- التقييم:
الطريقة و المقادير
بالشبنت مع صدور دجاج ومكسرات
نحتاج ٤ صدور دجاج نقطعه مكعبات وسط ونحتاج كميه وفيره من البصل شرايح نقليه بالزيت لين ياخذ لون ذهبي ونصفيه من الزيت ونخليه على جنب علشان نزين الطبق اخر شي
نحط شوية زيت من الزيت الي قلينا فيه البصل في مقلاه عميقه او جدر ونضيف تقريبا ٣ بصلات مفرومه ونشوح البصل في الزيت لين يذبل ونضيف ثوم مهروس تقريبا ٤ فصوص وتالي نضيف قطع الدجاج ونحمسه عدل ونضيف ملعقه من الكزبره الناشفه وملعقه من الكمون وملعقه من شوربة خضار ارض طبيعه او مكعب خضار ونقلبه شوي ونضيف نص كوب صويا صوص وكوب كاتشاب وكوب كريمة سائله ونص كوب ماي ونخليه يطبخ على نار هاديه ربع ساعه بعد ما يغلي
ونطبخ رز نص سوا بالماي مع اضافة الشبنت ونصفيه وبعدين نحط طبقه من الرز بالشبنت بماعون الفرن او بايركس ونحط فوقه نص خلطة الدجاج وتالي نحط طبقه من الرز واخر طبقه من خلطة دجاج ونحط طبقه من اللوز الشرايح ونغلفه بقصدير وندخله الفرن على حراره ١٨٠ لمدة ٣٥ الي ٤٠ دقيقه وتالي نشيل القصدير ونفتح الفرن من فوق ٣ دقايق لين يتحمر اللوز وعقب ما نطلعه من الفرن نزينه بالبصل المقلي وقت التقديم وبالعافيه
