.
كيكة مميزة الصراحه بشكلها وطعمها وترضي محبين كيك الفانيلا والكاكاو .. انشهد انها #لذيذة_لذاذة_اللذوذين_كلهم😋👌
.
◾المقادير:
.
(المقادير الجافة تخلط بالملعقه جق جق جق وتترك جانبا)
.
🔸️2 وربع كوب طحين متعدد الاستعمالات
🔸️2 ونص م.ص باكنغ باودر
🔸️نص م.ص كربونات الصودا
🔸️رشة ملح
.
(باقي المقادير)
.
🔸️كوب سكر ناعم الحبيبات (مو بودرة)
.
🔸️3 حبات بيض بحرارة المطبخ
.
🔸️1 م.ص فانيلا سائل
.
🔸️اصبع ونص زبدة طرية عالاخر (150 الى 170 جرام)
.
🔸️100 جرام قطع شوكولاته ذايبة مسبقا بميكروويف او على مغطس ماء حار
.
🔸️نص كوب حليب سائل
.
🔸️ثلث كوب يعني اقل من النص شوي لبن روب اللي هو زبادي (ينفع كريمه حامضه او لبنه)
.
#حلويات_كلحه #ماربل_كلحه
.
◾الطريقة:
.
🔹️نركب المضرب الشبكي ونخلط الزبدة والسكر عالاقل ثلاث دقايق تررررررررر لمن يصير خليط كريمي نافش شوي وناعم .. مع مراعاة مسح الجوانب كل شوي اثناء الخفق
.
🔹️نضيف البيض حبه ونخلط تررررررر واللي بعدها ونخلط ترررررر وهكذا وبعدهم الفانيلا السائلة وتررررر
.
🔹️نضيف اللبن الروب ونخلط ترررررررر
.
🔹️الحين نضيف المقادير الجافه بالتناوب مع الحليب .. يعني نحط نص الجافه بعدهم الحليب النص الثاني من الجافه تررررررر
.
🔹️بالملعقه نتأكد ان كل شي اختلط تمام … ونقسم الخليط نصين .. نص نتركه على حاله
.
🔹️النص الثاني نخلطه بالشوكولاته اللي ذوبناها ونخلطها بالملعقه جق جق جق
.
🔹️نجيب القالب مدهون ومرشوش طحين .. ونحط الخليط الابيض والكاكاو نفس الفيديو
.
🔹️ونعزف السيمفونية بالعود الخشبي ونسوي حركات بركات .. نحرك شي بسيط .. لاتبالغوا .. ونطرق القالب عالطاوله عدة مرات علشان نتأكد ان مافي فراغات بالخليط
.
🔹️وعالفرن حرارة 180 من تحت فقط .. راح ياخذ عالاقل 40 دقيقه .. اختبروا نضجها يمكن تحتاج اكثر وبالعافية