- 24
- 0
- الأحد, 7 مايو, 2017 - 8 , مساءً
- التقييم:
الطريقة و المقادير
🔹كيلو لحم عجل أو غنم مفروم مع بصل وبقدونس وبهاراتكم اللي تحبونها .. انا حطيت بزار لحم جاهز مع زيادة ملح وفلفل وكزبرة فقط
.
◾الخضراوات اللي استخدمتها هي:
🔸بطاط .. بطاط حلو .. قرع عسلي .. جزر .. طماطم .. بصل .. فلفل علوب
.
◾للصلصة:
🔸طماطم فرم ناعم .. ملعقتين كبار معجون طماطم .. 5 حبان ثوم مدقوق .. ملعقتين كبار دبس رمان .. ملح وفلفل … (اختياري مكعب مرق مو لازم)
.
◾طريقة الصلصه:
🔹نحمس الثوم بقليل من الزيت مع الفلفل العلوب .. ننزل عليهم معجون الطماطم ونكمل تقليب
.
🔹نضيف عليهم الطماطم المفروم ونقلب حتى يطلع منه الماي ونضيف البهارات ودبس الرمان
.
🔹نضيف عليه ماء ساخن ويترك حتى يغلي ثم نقصر النار ويغطى ويترك على نار هادية عشر دقايق
.
◾تحضيرات الخضار:
🔹نقلي شرايح البطاط نص قلي ويترك جانبا
🔹يقلب الجزر والبطاط الحلو بملعقه زيت واحده بالمقلى بس تشويح شوي ويترك جانبا
🔹القرع والبصل والطماطم يترك على حاله (نيء)
.
🔹نصفط الصينية بالتناوب مع اقراص الكبه ويصب فوقها الصلصه ونغطيها بالقصدير وتدخل فرن حامي 200 درجه حتى الاستواء وباخر عشر دقايق نشيل القصدير ونحمرها .. وبالعافية
