مدفون دجاج》
.
سويت امس مدفون دجاج بطريقة مبسطه بدون تعقيد وكعادتي دايما احب اترك المجال للمتابع بوضع لمساته بالطبق وبالتحضير فالخيارات كثيرة والطريقة تبقى وحده
.
انا سويته بجدر عادي .. صحيح تاخذ وقت اكثر من جدر الضغط .. بس حبيت الناس تحس ان اي احد يقدر يسويها مو شرط عندك جدر ضغط او ينقاله بالسعودية الكاتم
.
#وصفات_كلحه #مدفون_دجاج_كلحه
.
🔹️دجاجه كامله غسلتها ونشفتها .. قصيتها من بطنها بالوسط وتبلتها ظهر وبطن بالبهارات التالية وملها بودرة:
.
🔹️بابريكا، ملح، فلفل، بهار دجاج مشكل، ثوم، بصل، كركم (الخيارات مفتوحه حطوا اللي بخاطركم)
.
🔹️نزلت زيت زيتون وخل احمر ومسحت الدجاجه عدل مدل وخليتها على جنب
.
🔹️بالقدر حطيت التالي:
.
🔹️شرايح عريضة من البصل (استخدمت الابيض لانه يقط ماي اكثر من العادي) وايضا طماطم وجزر وراس ثوم مفروم خشن وتبلتهم بنفس البهارات السابقه وخليتهم بقاع الجدر
.
🔹️سدحت الدجاجه على ظهرها فوق فرشة الخضار وفتحت النار عالعااالي … وبس بدأ بالغليان قصرت النار عالهااادي وغطيته ساعه ونص
.
🔹️بهالاثناء (حبيت الاثناء 😌) جهزت العيش المشخول كالتالي:
.
🔹️بشوي زيت قلبت بصل وثوم فرم خشن لمن ذبل ونزلت عليه الرز المغسول والمنقوع نص ساعه عالاقل وقلبت الرز بالبصل والثوم بس يا دوبك تغلفت حبات الرز بالخلطه وصبيت فوقه ماي غمرته وحطيت ورق غار وعود دارسين وملح ونص مكعب ماجي
.
🔹️بعد الغليان بخمس دقايق صفيت الماي ونزلت الرز فوق الدجاجه والخضار وعالوجه رشيت شوي زعفران مذوب بماء ورد وغطيت القدر نص ساعه