حلى طبقات الفراوله ~🍓
.
.
لذيذ رايييق
المقآدير مع الطبقات
كاسات انيقه
جيلي فراوله ع حسب كميتك طبعا
استخدمت 3 ظروف جيلي
مع كاس ونصف ماء بارد
وكاس ونصف ماء حار
فنجالين سكر
حطيتهم بقدر ع النار ليما يغلون حتى يطلع لون الجيلي شفاف
ونحطهم بالكاسات وهي مايله وندخلهم بالثلاجه وننتظرهم حتى تجمد

قبل الطبقه الثانيه نجهز هالخليط راح نحتاجه
نخفق مغلفين شانتيه او دريم ويب
بنصف كاس حليب بارد
الى ان تصبح كريميه نضيف له نصف علبة الفيلآديلفيآ
200 غرام

اذا ماعندكم فيلآديلفيآ نقدر نستغني عنه بـجبنة كيري ونضيف واحد قشطه و رشة فآنيلآ

الطيقه الثانيه:
ظرفين كريم شانتيه او دريم ويب
جبنة فيلآديلفيا
دانيت بالفآنيليآ
نآخذ مقدار 5 ملآعق كبيره من الخلطه الي عملنآهآ ونضيف مربع دانيت الفانيلا
ونخلطه بس بالملعقه ونطلع الكاسات بتكون جامده والجلو مايل ونضيف بالملعقه الصغيره
وننتبه لايخرب الشكل

الطبقه الثالثه
ربع اصبع زبده مذوبه
خمس حبات من بسكويت شاي مطحون باليد فقط
نطحن البسكويتات باليد بحيث بعضه يصير كبير شوي وبعضه عادي
نخلطه بـ الزبده المذوبه ونضيفه بالكاسه مع الملاحظه مانوسخ الكأس بس نحطه بشويش,ونحاول نداخله شوي بين الطبقه الاولى والطبقه الي احنا فيها ..ونضيف مكسرات حسب الرغبه
انا اضفت جوز البيكان ولوز شرايح

الطبقه الرابعه:
سكر بودره
فرآوله مثلج ..
أنآنآس
صوص الفرآوله
نعمله بـ قطع فرآوله مثلج ونضيف له سكر بودره وشوي ماي ونضغط عليه
بالشوكه ,وبنلاحظ انه بيغلض وبيصير مثل الصوص السكر مافيه مقدار محدد نذوقه ليما نشوف انه مناسب لنا (اخترت الفراوله المثلج عشان فيه شوي حموضه ,وانا اضيف له ليمون بعد)
انا حطيته ع النار شوي وهرست الفراوله حتى تذوب

الطبقة الخآمسه :
نآخذ شوي من كريم الدريم ويب والجبن ونضيف له فراوله مثلج مقطع شرايح ..بيصير لونه وردي
ونحطه فوقهم بعد وندمجه مع الصوص شوي ونحط قطع اناناس ونكمل بطبقه الدريم ويب فوقه

التزيين :
فراوله طازجه للتزيين
مكسرات..
بالقمع او بدون نضيف كريم الشانتيه او الدريم ويب بدون اضافات ونقطر فوقها من الصوص ونحط قطع فراوله ونغطيها بالكريمه ونضيف صوص كمان ,ونزينها بـ قطع فراوله او كرز ونحط مكسرآت اما مطحون او مقطع

وتتهنوا فيها يارب