كيكة العسل ~
.
المقادير :
اصبع زبده ١٠٠ غرام
٢ بيضه
كاس سكر ناعم الحبيبات
٢ م ك عسل
٣ كاسات دقيق
م ص بكنج صودا
الحشوه :
علبة نستله نحولها الى توفي بشرحها بفيديو
نصف كوب جوز البيكان مجروش او اي مكسرات وبامكانكم الاستغناء عنه
كوب ونصف كريمة خفق
٢٠٠ غرام جبن فيلادلفيا
٣ ملاعق كبيره سكر بودره
الطريقه :
طريقة التوفي / نحط علبة النستله بقدر الضغط بعد مانشيل اللصقه عنه ونحطها بقدر ضغط مع شوي معجون طماطم وقطعة ليمونه حتى القدر مايسود ونحط العلبه بالقدر على جنب ونغطيها بالماء المغلي ونحطه على النار ليما يبدا يغلي ونغطي القدر ونخليه على نار وسط ليما يدور الغطاء الصغير ونقصره ونحسب له ساعه الا ربع بعدها نطفيه ليما يبرد ويطلع معنا توفي دولسي دي ليتشي
.
.
طريقة الكيكه /
نحط قدر نصفه ماء مغلي ونحط عليه قدر ثاني يعني حمام مائي على الفرن على نار هادئه ونحط بالقدر اصبع الزبده ليما يذوب ونحركه بالملعقه الخشبيه وبعدها نضيف السكر عليه ونضيف العسل ونحركه شوي ثم نضيف البيض والبكنج صودا ليما يتغير لونه شوي ونضيف كوب ونصف دقيق ونخلطه بالملعقه ليما يتجانس الخليط وبعدها نشيله من على النار ونضيف باقي كمية الدقيق ونحركه ليما يتجانس الخليط ويتكون عندنا عجينه متماسكه ولينه ونبدا يانقصصه قطع متساويه او نكوره دوائر انا طلعت معي ٧ كور ارش السطح دقيق واحضر صينتين فيها ورق زبده واشغل الفرن من تحت وفوق ومع المروحه او بدون مروحه ونحضر غطاء القدر اللي بيقص لنا الكيكه ويكون مقاس انا استخدمت مقاس غطاء قدر وسط
ونفرد الكوره الاولى ومانخليها سميكه مره ولا رقيقه مره ونشيلها بالصينيه ونقصها بالغطاء ونبعد الاطراف عنها ونخرم الكيكه بالشوكه حتى ماتنتفخ بس تكون الاطراف معها بالصينيه وتدخل الفرن ليما تتحمر ماتبطي تاخذ من ٣ الى ٦ دقايق وكذا ليما ننتهي منها لكن كلما خلصنا من كيكه نحطها بصحن متساوي لحالها حتى تكون يابسه لما نخلص كل الكميه الاطراف نطحنها بمحضرة الطعام مايكون ناعم مره يعني مثل المجروش
ونخلط الحشوه بخلاط الكيك اول شيء الجبنه مع الكريمه والسكر حتى تكون كريميه وبعدها نضيف علبة التوفي وجوز البيكان ثم نبدا نحط كيكتنا الاولى بصحن التقديم ونحط فوقها الحشوه ثم الكيكه الثانيه ثم الثالثه ليما نخلص ونوزع باقي الحشوه فوق وعلى الاطراف كلها نغطيها بالكريمه ونوزع فتات الكيك على الاطراف ومن فوق ونشيل الزايد وتزين بالفواكه او ورد طبيعي او بدون وتدخل الثلاجه من ٤ الى ٦ ساعات حتى تلين الكيكه وتتشرب الحشوه
تتهنوا فيها يارب