بسكوت كلحه》
.
كل عام وانتم بخير بمناسبة ان اليوم خميس 😂 وبهالمناسبة السعيدة .. ماخذ معاي الدوام بسكوت باللوز والفستق بس حااقه ماحصلتش #لذيذة_لذاذة_اللذوذين_كلهم😋👌
.
طريقته سهله جدا وكلها سويتها بنفس الطبق وبملعقه خشب .. يعني كل شغلنا جق جق جق .. مافي تررررر ابدا بس الصراحه اللي عنده مكينه افضل طبعا ويركب مضرب التقليب
.
#حلويات_كلحه #بسكوت_كلحه
.
🔸️اصبع زبدة ونص كوب سكر اخلطهم جق جق جق لما يصيروا عجينه ملسا وطرية
.
🔸️انزل عليهم بيضتين و شوية فانيلا .. وحده وحده .. اخلط الاولى .. تختفي .. اضيف الثانية
.
🔸️انزل كوب وربع طحين مخلوط معاه مسبقا ملعقه صغيرة باكنغ باودر و رشة ملح .. وياريت برش ليمون يكون احلى
..نخلط الجميع جق جق جق
.
🔸️نضيف كوب لوز شرايح وشوية فستق وممكن استبدالهم بكوب فواكه مجففه او تخلونه ساده ونخلطهم جق جق جق
.
🔸️العجينه بتكون واااايد لزجه وتلزق .. عادي .. طلعوها وحطوها على صينية وورق زبدة ورتبوها بايدكم ورشو على ايدكم طحين علشان لاتلزق … لف الصورة يسار ⬅️⬅️ شوفوا شلون سويتها وطبعا كل واحد كيفه
.
🔸️تدخل فرن بالنص حرارة ١٨٠ حوالي ٢٥ دقيقه .. نشعل تحت اول ربع ساعه بعدين نشعل فوق وتحت
.
🔸️نطلعها تبرد نص ساعه .. انتظروا لاتستعجلون .. بعدين نقصصها شرايح او حسب الرغبه
.
🔸️نرجعها الصينية نايمه على جنبها ونخليها بالفرن من فوق وتحت حوالي ثلث ساعه لمن تشقر وبالعافية