مكرونة القواقع المحشيه ~
.
لذيذه وسهله وشكل لايقآوم

المقادير:
مكرونة القواقع اصداف كبيره
حشوة دجاج المعتمده عندك
جبن موزريلا للوجه
كريمة خفق مقدار كاس

صلصة مكرونه:
عندك خيارين اما تستخدمي الجاهزه او تسوينها بنفسك
مقادير الصلصه:
بصله مفرومه – 2 طماطم مطحون – فص ثوم – صلصة طماطم حسب الحاجه
ملح وفلفل وزعتر بري – زيت

الطريقه:
نسلق المكرونه يعني لو بتاخذين بمقداري خذي نصفها
افضل لانها كثيره لما نسوي صلصة المكرونه اللي هي الطماطم وسلقنا المكرونه
نحط شوي بصينة البايركس الكبيره نصف صلصة الطماطم
ثم نبدا نحشي المكرونه القواقع بحشوة الدجاج ونزلت طريقتي فيها
ونحطها بالصينه يعني تكون فتحة الصدفه تحت وانتي تحطينها انتبهي لاتطيح الحشوه نبدا نصفها جنب بعض ليما نخلص الكميه
لو باقي زياده احشيهم وغلفيها وحطيها بعلبه ونفرزنها
لما خلصنا المكرونه نحط باقي الصلصه فوقها نوزعها
ونحط فوقها كريمة خفق نوزعها عليها لو ماعندك كريمة خفق تقدرين تستخدمين قشطه و4 م ك جبن سايل
نغلف الصينيه بقصدير من فوق
وندخلها بفرن مسبق التسخين من تحت
نحطها بالفرن 10 دقايق ثم نطلعها ونبعد القصدير ونرش جبن موزريلا ع الوجه ثم نحط القصدير مره ثانيه
ونحطها بالفرن
من تحت بعد 15 دقيقه
ثم نطلعها وتقدم