سوفليه بدقيقه ~
.
سهله حيل وماتاخذ وقت وطعمها بططل وبدقيقه او بنصف دقيقه على حسب درجة المايكرويف تبعك الكميه قليله طبعا

المقادير :

4 ملاعق كبيره دقيق
الافضل كويتي عشان يرتفع بسرعه بالمايكرويف
4 ملاعق كبيره سكر باودر
3 ملاعق كبيره بودرة كاكاو
1 ملعقه صغيره باكينغ باودر
3 ملاعق كبيره شوكلا نوتيلا ( بحرارة الغرفه ) والافضل تستغنون عنها لانها ثقيله ودسمه
3 ملاعق كبيره حليب سائل
3 ملاعق كبيره زيت نباتي
1 بيضه كبيره
نحتاج للزينه :
كريمة خفق
شوكلا سائله (هيرشي)
او آيس كريم افضل طعم
بالملاعق المعياريه

الطريقه :
نضع البيضه والحليب والزيت وشوكلا النوتيلا بوعاء
نخفقهم مع بعض حتى تمتزج شوكلا النوتيلا مع السوائل
نضع الدقيق والسكر والكاكاو الباودر والباكينغ باودر دفعه واحده
نخلطهم مع بعض حتى يتجانس الخليط (الحلو في الخليط انه ممكن تتركينه بالثلاجه الي وقت ماتحتاجينه
ممكن يكمل يوم كامل يعني لو خلطتي الخليط وماتبين تستخدمينه كله
حطي الباقي من الخليط بالثلاجه بعد ماتغلفينه كويس
ووقت ماتحتاجينه طلعيه من الثلاجه وحركيه وصبي منه بالاكواب
ودخليه المايكرويف حتى لو من يوم ثاني او لو حابه تخلطين الخليط قبل مايجيك ضيوف بوقت علشان ماتستخدمينه الا بعد مايجون ضيوفك لتقديمه حار)
الان نحضر اكواب الكوفي الصغيره وتكون قابله للاستخدام بالمايكرويف أو اي نوع من الاوعيه والاطباق صغيرة الحجم
ويصب مقدار بسيط من الخليط فيه لانه راح يتضاعف المقدار
نضبط المايكرويف على دقيقه فقط ثم اكرر العمليه حتى ينتهي المقدار
بعد ماتطلع من المايكرويف ممكن تقدمينه وهي حارررره
راح تكون الذ وبما ان الشوكلا مركزه فيها محتاجين شي يخفف مرارة الشوكلاه وأفضل شي الايس كريم ناخذ مقدار كوب ونخفقه حتى يثقل ونضع مقدار ملعقه منه عند التقديم على كل كوب ويزيين بخطوط شوكلاه هرشي السائله بس انا فضلت الايس ع الكريمه طبعا كل وذوقه
ولاتطولون اكثر من دقيقه لان لو طولتوا صار كيك مو سوفليه
بس اذا حابينه كيك خلوه دقيقتين
طبعا الاكواب اللي استخدمتها كبيره شوي اكواب شاي
تبينها كيك خليها دقيقتين
تتهنوا فيه يآرب