بسكوت الجبن المالح ~
.
روووعه لذيذ
المقادير/
اصبع زبده بحرارة الغرفه١٠٠ غرام
نص كوب سكر
بيضه
شوي فانيلا
م ك بيكنج باودر
كوب دقيق كويتي
الحشوه/
جبنه بيضاء مالحه المراعي
بيضه
شوي فانيلا
حبه سوداء( حبة البركه) الكميه ع حسب الرغبه

الطريقه:
نخلط الزبده والسكر بخلاط الكينود افضل لكم او خلاط الكيك حتى ينفش الخليط ويتجانسون ثم نضيف البيضه والفانيلا ونخلط وبعدها نضيف البيكنج والدقيق اذا الدقيق مو كويتي ضيفي ليما تفك العجينه من يدك يعني نخلط ليما تتماسك العجينه ونفرد ورق زبده او قصدير ع راحتك ونفرد العجينه عليها تكون مربعة الشكل كبيره ثم نجهز الحشوه نخلط المقادير كلها مع بعض بتطلع سايله ونبدا نواسيها ع العجينه كلها ثم نبدا نلف العجينه زي السويسرول بعدما نخلص لافينها زين نلف فوقها نتيلون حتى مادخلها الهواء ونحطها بالفريزر حوالي ٤ ساعات ليما تجمد وبعد ماتطلعينها ع طول تقطعينها شرايح بتكون قويه بس لازم تقطعينها وهي جامده لان لو لانت العجينه مستحيل تتحكمين بالتقطيع بتنحاس عليك
نحطها بصينية الفرن من دون ماتدهنينها تدخلينها بالفرن مسبق التسخين من تحت لما تحمر ثم من فوق ماتاخذ وقت طويل ١٠ دقايق بالكثير او اقل ونطلعهم من الفرن ونخليه بالصينيه يبرد لان لو حركتيه وهو حار بيتفتت عليك خليه يبرد وقدميه مع الشاي او القهوه