وصفة الدجاج بالكاري

استخدمت بالوصفه صدور دجاج تقريبا ست شرايح من صدور الدياي قطعت كل شريحه نصين لا تكون سميكه ولا خفيفه تبلتهم ربع كوب عصير ليمون وبع كوب خل وربع كوب زيت زيتون وثوم مهروس وزنجييل مهروس وملعقة طعام بابريكا وملعقة طعام بهار الكاري وملح وفلفل اسود وخليته تقريبا ساعه
وبعدين شوحت الصدور بدون التتبيله بشوية زيت لين صار لونه بني وشلته وحطيته على جنب واحتفظت بالتتبيله وفي مقلاه ثانيه حطيت شوية زيت وشوحت تقريبا ٤ بصلات شرايح بالطول وضفت عليه خضار مشكل بازيلا وجزر مثلج سلقته خمس دقايق وضفته على البصل وحطيت ملعقه صغيره كركم وملعقه صغيره بهار الكاري وحمستهم عدل وتالي ضيفو كوبين ونص حليب جوز الهند انا اليوم ضفت كريمه صارت دسمه لا تحطون كريمه بس حليب جوز الهند وخليته يتسبك تقريبا ربع ساعه على نار هاديه واخر شي ضفت التتبيله الي تبلت فيها صدور الدياي على الصلصه وضفت نص كوب ماي وحطيت صدور الدياي في بايركس وصبيت عليه الصلصه السابقه وغطيته بورق المنيوم ودخلته الفرن مسبق الفتح على حراره ١٨٠ لمدة عشرين دقيقه واخر شي شلت القصدير وفتحت الفرن من فوق وخليته عشر دقايق وقدمته مع رز ابيض مشخول وبالعافيه