وصفة سمك سالمون مشوي مع صلصة الزبدبالليمون

تتبيلة السالمون
ملعقتين طعام سكر بني وملعقتين صويا صوص وملعقتين زيت زيتون وملعقتين زبده ذايبه وملعقتين عسل وشرايح خفيفه من الثوم نخلط المكونات عدل ونتبل فيه سمك السالمون لمدة نص ساعه بس
طريقة سوي السمك
نحط شوية زيت على الشوايه الي نحطها على البوتوغاز ولما يسخن نحط عليه سمك السالمون وكل شوي نمسح السالمون بالتتبيله ونقصر عالنار ونخليه وسط وتقريبا كل جهه تاخذ ٣ دقايق ونقدمه مع صلصة الزبده بالليمون
طريقة الصلصه
نحط نص كوب عصير ليمو بجدر صغير او بقلاه وعلى النار نخليه يطبخ ويتبخر وتوصل الكميه الى ربع الكميه وتالي نضيف نص كوب كريمه سائله ويفضل كريمة الطبخ ونحرك على طول علشان ما يتكتل وبعدين نضيف قالب زبده بارده بس على دفعات يعني نكون مقطعين الزبده قطع صغيره وفي البدايه نحط قطعتين ونحرك ونقصر عالنار ولما تذوب الزبده نرجع نحط قطعتين ونحرك لين نخلص قالب الزبده كلها ونطفي النار ونضيف ملعقتين طعام شبنت مفروم ونقدمه مع سمك السالمون المشوي وبالعافيه