صينية كرات البطاطس المحشيه ~
.
لذيذه

المقادير:
البطاطس:: 4 حبآت بطاطس كبيره مسلوقه ومهروسه صح
نصف كوب بقدونس مفروم
ربع كوب كريمة خفق
فلفل اسود
رشة ملح
حشوة اللحم :
شوي زيت
نصف كيلو لحم مفروم
او لحم مفروم الجاهز
بصله متوسطه مقطعه صغار
فصين ثوم مبشور
حبتين جزر متوسطة الحجم مبشوره
مكعب ماجي
رشة فلفل اسود مطحون
شوي كمون مطحون
كزبرة مطحونه
ملح حسب الذوق
1 ملعقه كبيره صويا سوس
شوي بقدونس مفروم

البشاميل:
نصف اصبع زبده
1 ملعقه كبيره زيت
2 فص ثوم مهروس
3 ملاعق كبيره دقيق ابيض
2 كوب حليب سائل
ثلاثة ارباع كوب كريمة خفق
فلفل اسود مطحون
ملح حسب الذوق
1 كوب جبن موزريلا مبشور

الطريقه:
يضاف الكريمه والفلفل الاسود والملح والبقدونس المفروم ع البطاطس المسلوق ونخلطهم مع بعض ليما تتجانس
نخليهم ع جنب ونبدا بالحشوة
يسخن الزيت ويضاف البصل مع رشة ملح ويشوح حتى يذبل
ثم يضاف اللحم ويحمس مع البصل
ويضاف الثوم ويشوح شوي وبعدها نضيف الماجي والملح والبهارات والصويا ويقلب مع اللحم يضاف الجزر للحم مع التحريك المستمر حتى يذبل ويضاف البقدونس المفروم ويقلب قليلا ثم يرفع عن النار
ونخليه ع جنب يبرد شوي
وناخذ شوي من البطاطس باليد ونحشيه بحشوة اللحم وراعوا تكون اطراف الكورة البطاطس عريضه انا خليتها خفيفه بس حلوه
وهيك نكور باليد ونحشيها ونسكرهم ونصفهم بالصينيه ليما نخلص الكميه ونبدا بالبشاميل الحين
نحط الزبده والزيت بالقدر ع النار حتى تذوب الزبده نضيف كمية الدقيق ويترك يحمص خفيف مع التقليب ونرفع القدر عن النار ونضيف الحليب بالتدريج مع التحريك بالسلك اليدوي
وبعدها نضيف الكريمه بالتدريج مع الاتمرار بالتحريك ثم نضيف الثوم المهروس والفلفل الاسود المطحون والملح نرجع القدر ع النار ونحركه حتى يثقل الخليط شوي نرفعه من ع النار ويضاف الموزاريلا
ويحرك نصب البشاميل ع كرات البطاطس
ونوزع شوي موزاريلا مبشوره عليه
وندخل الصينيه بالفرن من تحت لما تحمر شوي ثم من فوق حتى يحمر الوجه
نطلع الصينيه من الفرن نخليها 10 دقايق حتى تتماسك وتقدم