كعك بالحليب والسمسم》
.
لاتتخيلوا شقد سريعه وسهله .. طلعت براسي اسويها .. جك بم ولا هي خالصه .. استمتعوا فيها مع عيالكم عالعشا والريوق طعمها رائع و #لذيذة_لذاذة_اللذوذين_كلهم😋👌
.
◾المقادير:
.
🔸️3 كوب طحين ابيض
🔸️1 كوب سكر ناعم الحبيبات وليس بودرة
🔸️1 كوب سمنه او زبدة (استخدمت سمنة روابي)
🔸️نص كوب حليب سائل (واتوقع تاخذ معاكم ربع كوب زيادة بعد) .. المهم تكون عجينه متماسكه وملسا وماتكون ناشفه وتتكسر
.
🔸️1 ملعقه كبيرة باكنغ باودر
🔸️1 م.ك محلب .. واذا ماعندكم بهار كعك واذا ماعندكم مو ضروري حطوا بدالهم ربع م.ص قرفة
🔸️1 م.ص فانيلا سائل او رشة من البودرة
🔸️رشة ملح
🔸️سمسم محمص للتغطية مع بياض بيضة
.
#حلويات_كلحه #كعك_كلحه
.
◾الطريقة:
.
🔹️بكل بساطه نخلط النواشف باليد جق جق جق (الطحين والسكر والملح والباكنغ باودر والمحلب والفانيلا)
.
🔹️نضيف عليهم السمنه ونفركهم باليد فركاا مبرحاا لما يصير قوامه مخملي نفس كأنه الغريبة
.
🔹️نضيف الحليب ونكمل خلط لما تتكون عجينه متماسكه
.
🔹️نبدأ ناخذ من العجينه ونكورها وبعدين نسويها بشكل طولي .. نفس الفيديو
.
🔹️ندهن الوجه ببياض بيضة يا دوبك مسحه بسيطه ونغمس الوجه بالسمسم
.
🔹️نصفهم بالصينية ونغطيهم عشر دقايق وندخلهم الفرن حرارة 180 من تحت وفوق والصينية بالوسط او اقرب للاسفل اكثر
.
🔹️عينكم عليها اذا اشقرت من تحت وفوق بعدها بيضا … نطفي تحت ونخلي فوق ونرفع الصينية لفوق شوي لما تشقر وبس .. وبالعافية 😊👌🏻
.
تقديرا للجهد اكرمنا باللايك وشكرا .. وان لم تفعل فاعلم ان ذنوبك منعتك