- 35
- 0
- الإثنين, 30 أكتوبر, 2017 - 9 , مساءً
- التقييم:
الطريقة و المقادير
دجاج فيليه بالكريمه والخردل والليمون
.
◾الطريقه بدون مقادير:
.
🔹️نغسل الصدور وننشفهم ونرش عليهم فلفل اسود وندهنهم بالخردل
.
🔹بمقلى واسع نحط زبده ونشوح فيها قطع فيليه الدجاج عالصوبين لمن تشقر عدل ونرفعها على جنب
.
🔹بنفس المقلى وممكن اضافة المزيد من الزبده .. نحط بصل وثوم ونقلبهم عدل
.
🔹عقب ننزل كوب مرق دجاج (لو ماعندكم ممكن نذوب مكعب مرق دجاج بشوي ماي ساخن) وننطر لمن يسخن
.
🔹نضيف ملعقه كبيرة طحين متروسه او ملعقتين وسط ونحرك لمن يذوب الطحين
.
🔹الحين نضيف ملعقتين كبار خردل (ماسترد) ونضيف حوالي نص كوب كريمه سائلة ونقصر النار للوسط 🚩 ما نبي الكريمه تغلي ويتغير لونها .. بس تسخين
.
🔹نضيف ملح وفلفل ابيض وبابريكا وشطة مجروش
.
🔹️نرجع قطع الدجاج ونغمرها بالكريمه ونضيف كزبرة فريش مفرومه ونضيف ربع كوب عصير ليمون
.
🔹الحين نضيف معكرونه شرايط (فيتوتشيني) نكسرها شوي ونضيف ماي زياده
.
🔹نغطي القدر (بهالمرحله ممكن اضافة جبن باراميزان مبشور .. ما انصحكم بالموتزاريلا ابداا)
.
🔹وعلى نار هادية يقعد حوالي نص ساعه ويمكن اكثر شوي .. وبالعافية
