مچبوس دجاج أم أف》
.
طبعا المجبوس اشهر من نار على علم وطريقتها وحدة مالها ثاني .. بس اليوم قلت خل اجرب اغير عن البهارات التقليدية واستخدم معجون المچبوس من ام اف 😉👌
.
@mffood
.
#وصفات_كلحه #مجبوس_كلحه #رمضان_كلحه
.
◾(تحضير وسلق الدجاج)
.
🔹️الدجاج غسلته ونظفته وفركته بالكركم والملح ومعجون الثوم من ام اف
.
🔹️بعدها وبجدر عميق حطيت ملعقتين كبار من معجون المجبوس من ام اف وقلبتهم شوي بدون زيت ولا شي .. نزلت عليهم ماي وقبل الغليان حطيت فيهم الدجاج وسلقته عادي حوالي 40 دقيقة .. واخر شي عدلت الملح وخليتها على جنب
.
◾(تحضير حشو المجبوس) _ (الخلطه)
.
🔹️في مقلاه حطيت البصل مفروم خشن بدون زيت .. بس يادوبك رشة ماي ونتركه علي نار عالية وكل ما يجف نرش عليه ماي لمن يذبل .. بعدها نحط زيت نباتي بس شوي ونكمل تقليب
.
🔹️ننزل الزبيب او الكشمش المنقوع والحمص او النخي المجروش المسلوق مسبقا والبهارات (كركم، ملح، فلفل اسود، دارسين وممكن لومي اسود مطحون) بعدها نضيف منقوع الزعفران وماء الورد ونخلطهم واغطي القدر خمس دقايق نار هادية
.
◾(تحضير العيش) _ (الرز)
.
🔹️حطيت بالجدر شوي سمنه وقلبت معاها العيش المغسول والمنقوع نص ساعه مسبقا .. قلبت الرز علشان يتغلف بالدهن .. نزلت عليه من ماي سلق الدجاج بحيث يغمره بسانتي تقريبا .. وكالمعتاد بس شرب الرز معظم الماء اغطيه واقصر النار عالااااخر واخليه حوالي نص ساعه يستوي
.
◾(بالنسبه للدجاج)
.
🔹️بعد السلق حطيته بصينية للفرن ودهنته عالصوبين جيدااااا بالخليط التالي (زبدة وماء ورد وزعفران) .. دخلتهم الفرن .. اشعل من فوق بس يتحمر