بلح الشام محشي بالقشطه~
.

المقادير:
4 بيضات صغيره
أو 3 كبيره
كاس ماء
ذرة فانيلا ورشة ملح
نص ملعقه صغيره خل
كاس دقيق كويتي او فوم
3 ملاعق كبيره زيت
الطريقه :
نرفع الماء + الملح + الزيت على النار أول مايغلي الماء نضيف الدقيق
ونحركه مضبوطه بملعقه خشب مو مضرب وبسرعه حتى الدقيق يمسك ومايلصق ويحترق بعد ماينعجن الدقيق كله طفي النار وشيليه عجينتنا جاهزه نتركها تبرد أو نحطها في العجان يخلطها لحد مايطلع البخار وتبرد انا اسوي كيذا بالعجان ليما تبرد بعدين أضفت البيض وحده وحده
وحده وبعدين اعجن عالواطي او بيدك
واذا خلاص انعجنت زين أضيف الثانيه لحد ماخلصوا 3 بيضات
مع أول بيضه أضفت الفانيلا
الخل اخر شيء مع اخر بيضه
للمرحله الثانيه نحط كل العجينه بكيس بلح الشام
نجيب الزيت ويكون بارد واذا فاتر (فاتر يعني دافي تقدرين تتحملين تدخلين يدك فيه )
ونبدا نعصر ونقص بالمقص على حسب الطول اللي تحبين اذا خلصتي اول كميه وتبين تحطين الباقي بيكون الزيت حار
اذا كانت الكميه نفسها احطهم دفعه وحده بمقلاه وسيعه واخلص منه لو دفعتين اغير الزيت افضل بس استخدمه مثلا للسمبوسه او سبرنق يعني غير البلح
لان لازم نستخدمه بارد 📍
نترك البلح بدون تحريك لحد مايرتفع ويبدا لونه يفتح ويميل للبياض
لاحظي من فوق لونه أغمق من تحت يعني لسا عجين
نحرك بشويش مانلمس الحبات ناخذ الزيت ونصب عليهم .واذا تغير اللون وحسيتيه نشف علي عالنار وخليها عالمتوسط وحركي لحد ماينضج ونقلبهم حتى ياخذ نفس اللون بعدها نشيله على ورق نشاف ثم
صبي عليه العسل أو الشيره او غمسيهم بالشيره بتطلع لذيذه ومن داخل فاضيه وهشه
الافضل شيره وتكون بارده
طريقتي :
كاس سكر
مع نصف كاس ماء
ع النار الهاديه ليما تذوب حبات السكر 5 دقايق واعصر عليها شوي ليمون وخليها ليما تثقل واطفي عنه وادخله بالثلاجه يبرد
انا اسويها قبل اقلي البلح او تكون جاهزه بالثلاجه

الحشوه :
قشطه طازجه
غمست بلح الشام بالشيره ثم قصيته بالوسط وحشيتها قشطه ورشيت عليها فستق
بطريقة غالا يسعدها ربي
تتهنوا فيه يآرب
دعوآتكم