ميني خلية البيتزا المقلوبه ~🍕
.
سهله وكيوت بالتقديم ولذيذه .
.
المقادير :
اي عجينه انتي معتمدتها
انا هذي العجينه هي اللي معتمدتها بدون تخمير
٢ كوب دقيق
٢ ملعقه كبيره معياريه حليب بودره
٢ ملعقه كبيره زبادي
١ ملعقه صغيره معياريه خميره فوريه
١ ملعقه صغيره معياريه بكنج باودر
٢ ملعقه كبيره معياريه سكر
٢ ملعقه كبيره زيت
رشة ملح
ثلاثة ارباع كوب ماء دافي
للوجه :
صلصة بيتزا جاهزه او انتي تسوينها بنفسك
جبن قشقوان مبشور او موزريلا
زيتون شرايح اسود او اخضر
الحشوه :
جبن كيري او مثلثات براحتك
الطريقه :
نعجن العجينه مع بعض اول شيء النواشف وننخلها ثم السوائل الماء لاتصبينه كله على حسب حاجتك يمكن تحتاجين اقل او اكثر حسب نوعية الدقيق واخر شيء تدهنينها بالزيت ثم تجهزين صواني الميني تارت او بامكانك استخدام صينية التارت الكبيره وتبدين تكورين وتحشينهم جبن ليما تخلصين الكميه وتخلينها حول ١٠ دقايق تتخمر اذا الميني مايحتاج تتخمر كثير ولما تحطينها بالميني صغري الكور حتى ماتنتفخ بقوه اذا كان مقاسها كبير تدخل بفرن مسبق التسخين من تحت ثم تتحمر من فوق بعد مانطلعهم نقلبها اذا حابه قبل التقديم تحطين خلطة الوجه وتدخلينها المايكرويف حتى تسيح الجبنه او استخدمي الفرن اول ماتطلعينها
تتهنوا فيها يارب