Rice pudding ( بودينغ الارز ) ~
.
بأربع نكهات ( أوريو – لوتس – بستاشيو – جالكسي ) .
.
.

بطريقة عبير العميرة يسعدها ربي 🌷
‎.
* المقآدير + الطريقه :- .
بقدر على نار وسط : نصف كوب رز مصري بدون ماتغسلونه ولاتنقعونه عشان كمية النشاء اللي بالرز مهمّه في الوصفه + نصف لتر ماء = كوبين ، نتركه على النار لين تنشف المويه 
نضيف لتر حليب سايل كامل الدسم = ٤ أكواب ونحركه بالسلك اليدوي باستمرار عشان مايلصق الحليب أسفل القدر 
نضيف ربع كوب سكر + ربع كوب كريمة خفق ( اختياري ) + م ص فانيلا ‎نحرّك لين يستوي الرز 
نضيف ربع كوب نشاء نذوّبه مع شوي ماء فاتر ونضيفه ع الحليب ونحرّك لين نوصل للقوام المرغوب فيه 
في هالوقت تقدرون تضيفون المنكّهات اللي تحبون :
أوريو ، لوتس ، قرفة مطحونه ، ماء ورد ، مستكه .. الخ
‎انا اخذت كل ربع كوب من الاوريو وبسكوت اللوتس والفستق طبعاً مطحونين ووزعتهم بالصحون اللي بالصوره شوي وسيعه اما الجالكسي اضفت حبة جالكسي مذوبه ‎وحركتهم مع بعض ليما تجانسوا ‎وكل نكهه حطيت لها تغطيه الفستق حطيت رشة من الفستق المطحون والاوريو نفس الشيء اوريو مطحون اما اللوتس حطيته فوقه باي فلينق فراوله والجالكسي جوز البيكان ‎بامكانكم تحطونه ساده وتضيفون كل نكهه مختلفه من زبده لوتس وفوقه رشة بسكوت لوتس مطحون او نوتيلا او فواكه من توت او فراوله او غيره من النكهات اللي تحبون تضيفون له ‎هنا زودت ملعقه كبيره على كمية النشاء المذكوره ‎القوام تقدرون تتحكمون فيه مايكون ثقيل مثل المهلبيه ولا خفيف ‎وسط والنار تكون هادئه يمكن يطول شوي ‎الكميه حلوه لو الصحون نفس المقاس 
وتخلونها تبرد بالثلاجه .